Jarmošyna: Moj baćka-ŭkrainiec braŭ udzieł u pieršaj SVA — vybivaŭ Banderu ź lasoŭ na Vałyni
Byłaja staršynia Centralnaj vybarčaj kamisii Lidzija Jarmošyna zhadała niekatoryja detali bijahrafii svajho baćki.
«U dziacinstvie kožnaje leta baćka nas pahružaŭ u mašynu, i my abaviazkova jechali na jaho radzimu ŭ Pałtaŭskuju vobłaść», — pryhadała Jarmošyna ŭ intervju BT.
Udakładniaje: jaje baćka — «čystakroŭny ŭkrainiec», ale dla jaho «hałoŭnaj radzimaj stała Biełaruś». Pryčyna ŭ tym, što siamja była raskułačana.
«Siamja majho baćki (choć heta byli zvyčajnyja siaredniaki) była raskułačana i pazbaŭlena ŭsiaho. U vyniku z vaśmioch dziaciej vyžyła tolki čaćviora. I dzied taksama pamior. Maja babula vykapała brackuju mahiłu. U jaje hrošaj nie było, kab pachavać piacioch.
Jak moža moj baćka stavicca da Ukrainy? Dla jaho heta mačacha», — davodzić Jarmošyna.
Jana raskazvaje niekatoryja fakty bijahrafii baćki — Michaiła Harkavienki:
«Baćka ŭ 1941-m pajšoŭ na vajnu. Jamu jašče nie było 20. Jon 1921 hoda, ale listapadaŭski. Vajavaŭ chiba što dobra, tamu jaho adpravili na takija karotkaterminovyja aficerskija kursy, ź jakich jon vyjšaŭ artyleryjskim aficeram. Potym jaho lubimaj pieśniaj była «Artylerysty, Stalin daŭ zahad».
Jon ardenanosiec. Bolš za toje, moj baćka — udzielnik pieršaj SVA (śpiecyjalnaj vajennaj apieracyi, heta prapahandysckaja nazva vajny. — NN). Moj baćka vybivaŭ Banderu z vałynskich lasoŭ. Heta byŭ 1946 hod. Bo Stalin jak zrabiŭ? Jon adpraviŭ, tak skazać, źniščać mienavita hetyja ŭkrainskija bandfarmiravańni ŭkraincaŭ. Nu voś i jany… Baćka orden atrymaŭ Bajavoha Čyrvonaha Ściahu mienavita tam, u chodzie hetaj apieracyi».
Jarmošyna dadaje, što jaje baćki paznajomilisia va ŭkrainskim Łucku. U hety horad jaje maci, ruskaja pa nacyjanalnaści, była nakiravana na pracu.
«I potym uvieś astatni čas, nie ličačy nievialikaj słužby ŭ Oŭručy (heta Žytomirskaja vobłaść) maje baćki pražyli ŭ Biełarusi. Baćka, praŭda, jašče ŭ Kazachstanie, u Hiermanii słužyŭ. Tamu baćka vielmi lubiŭ Biełaruś, pakłaniaŭsia joj. Maje baćki pachavanyja tut», — davodzić Jarmošyna.
Raniej jana zhadvała, što baćki raźvialisia, kali im było pad 60 hadoŭ: «Jany zusim nie pasavali adno adnamu. Tata prosta zahulaŭ pad staraść hadoŭ».
Jarmošyna pryznałasia, jakija zhryzoty sumleńnia ŭ jaje byli. Ale heta nie praz falsifikacyi
Jarmošyna raskazała, jak apazicyja nibyta sprabavała jaje padkupić
Historyja ŭźlotu babrujskaj jurystki Lidzii Jarmošynaj
Jarmošyna: Ja nie mahu padtrymać kult asoby Stalina. Siamja majho baćki była raskułačanaja, pałova zahinuła
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»27
Kamientary