Da kanca hoda pad Minskam adkryjuć zavod pa vytvorčaści zvadkavanaha hazu
Kompleks zvadkavańnia pryrodnaha hazu budzie pracavać na terytoryi Kitajska-biełaruskaha industryjalnaha parku «Vialiki kamień». Zadača jaho pabudavać staić da kanca 2025 hoda, paviedamlaje rasijskaje vydańnie Sputnik sa spasyłkaj na hienieralnaha dyrektara AAT «Hazpram transhaz Biełaruś» Uładzimira Majorava.
Pradpryjemstva raźmieścicca pad Minskam na terytoryi Kitajska-biełaruskaha industryjalnaha parku «Vialiki kamień».
«Atrymanyja ŭsie nieabchodnyja techničnyja ŭmovy, vyznačany ziamielny ŭčastak. Kompleks pa zvadkavańni pryrodnaha hazu adnosna nievialiki — błočna-modulny, tamu my tut prablem nie bačym nijakich», — skazaŭ Uładzimir Majoraŭ.
Inviestaram abjekta vystupaje adna z kampanij rasijskaha PAT — «Hazpram hielij servis».
«My sumiesna ŭ nastupnym budziem udzielničać u ekspłuatacyi, u zvadkavańni, u realizacyi hetaha hazu. Zadača staić da kanca hetaha hoda zavod pabudavać», — padkreśliŭ Majoraŭ.
Mahutnaść budučaha kompleksu składzie 3360 ton ZPH, asnoŭnymi spažyŭcami paliva buduć technika MAZ i BiełAZ, enierhanasyčanyja traktary i aŭtobusy.
«U jakaści asnoŭnych spažyŭcoŭ my bačym mahistralnyja ciahačy, mižnarodnyja aŭtobusy, taksama sielskaja haspadarka — mahutnaja enierhanasyčanaja technika. Akramia taho, technika BiełAZ, MAZ. Dla ich zvadkavany pryrodny haz nieabchodny dla puskanaładačnych vyprabavańniaŭ i hetak dalej», — dadaŭ hienieralny dyrektar AAT «Hazpram transhaz Biełaruś».
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary
Vsie eti proryvnyje projekty otnosiatsia k šiestomu tiechnołohičieskomu układu, nanotiechnołohijam ili hruppie riedkoziemielnych mietałłov?