Hiniekołah u Kaŭnasie piać hadoŭ tajemna zdymaŭ pacyjentak na videa
Heta ŭskryłasia vypadkova, kali pravieryli jaho telefon pa inšaj spravie ab atrymańni chabaru.
Kłajpiedskaja akruhovaja prakuratura pieradała ŭ sud spravu, u ramkach jakoj doktara abvinavačvajuć u złoŭžyvańni słužbovym stanoviščam i niezakonnym zbory adčuvalnaj infarmacyi pra asabistaje žyćcio pacyjentak, piša Delfi.lt.
Padčas rasśledavańnia vyśvietliłasia, što abvinavačany V.A., jaki atrymaŭ licenziju akušera-hiniekołaha ŭ 2004-m hodzie, padčas ambułatornaha i stacyjanarnaha ahladu pacyjentak u dziaržaŭnych i pryvatnych klinikach Kaŭnasa tajna zdymaŭ ich na videa padčas kansultacyj.
Spravu pačali rasśledavać, kali hetyja fakty vyjavili padčas inšaha rasśledavańnia, źviazanaha z chabarnictvam. U chodzie śledčych dziejańniaŭ u asabistym telefonie doktara znajšli videazapisy.
Stała viadoma, što z červienia 2018 hoda pa červień 2023 hoda jon źniaŭ na videa 20 pacyjentak.
Prakuratura nie maje danych ab mahčymym raspaŭsiudzie hetych zapisaŭ.
Na dadzieny momant: doktar časova adchileny ad pracy, jamu zabaroniena pracavać akušeram-hiniekołaham, abmiežavany jahonyja majomasnyja pravy, kab harantavać kampiensacyju škody paciarpiełym.
Pavodle abvinavaŭčaha akta, pacyjentkam byŭ naniesieny značny maralny ŭron, akramia taho, było źniavažana zvańnie doktara i padarvany aŭtarytet miedycynskich ustanoŭ Litvy.
Abvinavačanamu pahražaje da 5 hadoŭ pazbaŭleńnia voli.
Kamientary