USU viarnulisia ŭ centr Tarecka i stvaryli pahrozu atačeńnia rasijskaj hrupoŭki ŭ horadzie
Vajskoŭcy USU zmahli viarnucca ŭ Centralny rajon Tarecka, pra poŭny zachop jakoha śćviardžała Minabarony RF u pačatku lutaha, paviedamiŭ Instytut vyvučeńnia vajny (ISW). Z-pabliki paćviardžajuć hetu infarmacyju. Dadzienyja OSINT-prajektaŭ śviedčać, što ŭ horadzie ŭźnikła pahroza atačeńnia častki rasijskaj hrupoŭki, piša «Ahientstvo».
Ukrainskija vojski zmahli prasunucca da centra horada ŭ rajonie vulicy Tałbuchina i da šachty «Centralnaja», paviedamiŭ sa spasyłkaj na hieałakavanyja kadry ŭ subotniaj zvodcy ISW. Zhodna z kartaj prajekta, da Tałbuchina USU ruchalisia z poŭnačy, a da šachty «Centralnaja» — z paŭdniovaha ŭschodu. Taksama ŭkrainskija vajskoŭcy prasunulisia na poŭdzień ad Tarecka, śviedčyć karta ISW.
USU nastupajuć ad šachty «Tareckaja» na poŭnačy horada i ad vioski Ščarbinaŭka na paŭdniovy ŭschod ad Tarecka, paviedamiŭ z-błohier Juryj Padalaka. Na jaho dumku, ukrainskija vajskoŭcy sprabujuć prymusić rasijskija padraździaleńni adstupić z paŭnočna-zachodniaj častki horada.
Pastupajuć paviedamleńni ab «poŭnym atačeńni» rasijskich vajskoŭcaŭ na niekalkich učastkach, paviedamiŭ estonski vajenny analityk WarTranslated.
«USU aktyŭna prasoŭvajucca ŭ Tarecku, zachoplivajučy klučavyja pazicyi. Bai ŭ centry horada praciahvajucca, praciŭnik stračvaje kantrol», — piša błohier.
De-fakta Tareck zachopleny rasijskaj armijaj nie byŭ, niahledziačy na spravazdačy pra heta, paviedamiŭ «Rybar». «Aktyŭnaja faza bajoŭ u horadzie zaviaršyłasia jašče ŭ kancy studzienia: padraździaleńni rasijskaj armii vycisnuli asnoŭnyja hrupy praciŭnika za miežy administracyjnaj rysy, a bai zasiarodzilisia na ŭskrainach», — havorycca ŭ paviedamleńni. Pry hetym, pavodle źviestak kanała, ukrainskija vajskoŭcy zachavali «pieravahu ŭ kantroli pavietra», jakaja dazvoliła USU «pierarezać kamunikacyi rasijskich vojskaŭ» i nie davać «pravodzić začystku šyrokim frontam».
Ukrainskaja armija, pavodle publikacyi «Rybara», zachavała mahčymaść «utrymać peŭnyja punkty ŭ haradskoj miažy i epizadyčna pravodzić ratacyju». Kanał udakładniaje, što ŭkrainskija dyviersijnyja hrupy dziejničajuć «u vakolicach advału šachty numar 10, šachty «Centralnaja», a taksama ŭ kvartale šmatpaviarchovikaŭ i vakolicach terykona šachty Tareckaj».
Rasijskija vojski ŭstupili ŭ Tareck u pačatku žniŭnia. Zachop horada adkryŭ by im mahčymaść praciahnuć nastup u napramku Kanstancinaŭki, važnaha łahistyčnaha vuzła ŭkrainskich sił na ŭschodzie Danieckaj vobłaści, pisała The New York Times (NYT). Rasiejcy imknucca pierarezać mahistral zabieśpiačeńnia USU, jakaja idzie na poŭdzień ad Kanstancinaŭki ŭ Pakroŭsk, havaryłasia ŭ publikacyi NYT.
Ab poŭnym zachopie Tarecka Minabarony RF zajaviła 7 lutaha.
Ciapier čytajuć
Stali viadomyja novyja detali ŭ maštabnaj spravie arhanizataraŭ kancertaŭ4
Kamientary