Chacieli napisać «rasist», a atrymlivałasia «Tramp». U ajfonach zdaryŭsia dziŭny zboj

Ludzi vymaŭlajuć słova «rasist» padčas vykarystańnia servisu Dictation na iPhone. Časam jano transkrybujecca pravilna, ale ŭ niekatorych vypadkach źjaŭlajecca słova «Tramp», paśla čaho chutka pieraŭtvarajecca ŭ pravilnaje.

Technałahičny hihant miarkuje, što prablema z servisam była vyklikana składanaściami z adroźnieńniem roznych słoŭ, u jakich prysutničaje litara «r».

«Nam viadoma pra prablemu z madellu raspaznavańnia maŭleńnia, jakaja vykarystoŭvajecca ŭ Dictation, i siońnia my vypuścim abnaŭleńnie», — skazaŭ pradstaŭnik Apple.

Žurnalisty Bi-bi-si nie zmahli ŭznavić hetuju pamyłku, što moža śviedčyć pra toje, što prahramnaje zabieśpiačeńnie ŭžo pačało źmianiacca.

Adnak adzin z ekśpiertaŭ u halinie kampjutarnaha raspaznavańnia maŭleńnia skazaŭ, što tłumačeńnie Apple vyhladaje małavierahodnym.

Prafiesar Edynburhskaha ŭniviersiteta Piter Bieł miarkuje, što najbolš vierahodna, što niechta naŭmysna źmianiŭ prahramnaje zabieśpiačeńnie instrumienta ŭ ajfonach.

Na jaho dumku, tłumačeńnie Apple pra fanietyčnuju błytaninu nie maje sensu, bo hetyja dva słovy nie nastolki padobnyja, kab źbiantežyć sistemu štučnaha intelektu (ŠI), jakaja ŭstalavana ŭ telefonach.

Madeli pieraŭtvareńnia maŭleńnia ŭ tekst navučajucca praz analiz klipaŭ z realnymi ludźmi i dakładnuju rasšyfroŭku ich słoŭ.

Ich taksama vučać razumieć słovy pa kantekście — naprykład, im praściej adroźnić słova «čaška» ad słova «narezać» (pa-anhlijsku hetyja słovy pišucca amal identyčna — «cup» i «cut»), kali jany ŭžyvajucca ŭ frazie «kubak harbaty» («cup of tea»).

Prafiesar Bieł ličyć, što incydent z Trampam naŭrad ci možna źviazvać z techničnaj pamyłkaj, bo madel raspaznavańnia anhlijskaj movy była navučana na sotniach tysiač hadzin maŭleńnia, što pavinna zabiaśpiečvać joj vysoki ŭzrovień dakładnaści.

«Chutčej za ŭsio, heta śviedčyć pra toje, što niechta maje dostup da technałohii», — miarkuje jon.

Były supracoŭnik Apple, jaki pracavaŭ nad jaje ŠI-asistentam Siri, taksama skazaŭ haziecie New York Times, što toje, što adbyłosia, «pachnie surjoznym žartam».

U čaćvier Apple abviaściła, što ŭ bližejšyja čatyry hady inviestuje ŭ ZŠA 500 miljardaŭ dalaraŭ, u tym liku ŭ budaŭnictva bujnoha centra apracoŭki dadzienych u Techasie dla zabieśpiačeńnia pracy sistemy Apple Intelligence.

Hienieralny dyrektar kampanii Cim Kuk taksama zajaviŭ, što kampanii, mahčyma, daviadziecca źmianić svaju palityku ŭ halinie raznastajnaści, roŭnaści i inkluziŭnaści (DEI) paśla taho, jak prezident Donald Tramp zaklikaŭ spynić hetyja prahramy.

• 4
• 1
• 10
• 1
• 0
• 0
• 0
• 0