U avijakatastrofie ŭ Sudanie zahinuli 46 čałaviek, u tym liku vysokapastaŭlenyja čynoŭniki
Bolš za 40 čałaviek, u tym liku vysokapastaŭlenyja vajskoŭcy, zahinuli ŭ Sudanie ŭ vyniku katastrofy armiejskaha transpartnaha samalota.
Pavodle apošnich źviestak, jakija pryvodzić ahienctva AP, zahinuli 46 čałaviek, nie mienš jak 10 atrymali ranieńni. Pošukavyja raboty praciahvajucca. Samalot pa pakul nie vyśvietlenych pryčynach upaŭ u ščylna nasieleny rajon niedaloka ad vajskovaha aeradroma ŭ horadzie Amdurman, jaki ŭvachodzić u ahłamieracyju stalicy krainy Chartuma. Siarod zahinułych, jak paviedamlajecca, jość jak vajskoŭcy, tak i cyvilnyja asoby.
A Sudanese military Antonov aircraft crashed in Omdurman, north of Khartoum, on Tuesday evening, killing the crew and several military personnel on board. Eyewitnesses said at least five civilians on the ground were also killed and dozens injured when debris from the plane struck… pic.twitter.com/PS733snFLg
Miarkujecca, što zahinuli ludzi jak na borcie samalota, tak i na ziamli, bo pry padzieńni jon urezaŭsia ŭ žyły dom.
Siarod achviar katastrofy — hienierał-major Bar Achmied, kiraŭnik uradavaj armii, jaki raniej zajmaŭ pasadu načalnika harnizona Chartuma.
U Sudanie praciahvajecca hramadzianskaja vajna pamiž uradavaj armijaj i tak zvanymi «Siłami chutkaha reahavańnia». Pavodle pieršapačatkovych paviedamleńniaŭ, krušeńnie samalota adbyłosia ŭ vyniku techničnaj niaspraŭnaści, a nie vajennych dziejańniaŭ.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary