У авіякатастрофе ў Судане загінулі 46 чалавек, у тым ліку высокапастаўленыя чыноўнікі
Больш за 40 чалавек, у тым ліку высокапастаўленыя вайскоўцы, загінулі ў Судане ў выніку катастрофы армейскага транспартнага самалёта.
Паводле апошніх звестак, якія прыводзіць агенцтва AP, загінулі 46 чалавек, не менш як 10 атрымалі раненні. Пошукавыя работы працягваюцца. Самалёт па пакуль не высветленых прычынах упаў у шчыльна населены раён недалёка ад вайсковага аэрадрома ў горадзе Амдурман, які ўваходзіць у агламерацыю сталіцы краіны Хартума. Сярод загінулых, як паведамляецца, ёсць як вайскоўцы, так і цывільныя асобы.
A Sudanese military Antonov aircraft crashed in Omdurman, north of Khartoum, on Tuesday evening, killing the crew and several military personnel on board. Eyewitnesses said at least five civilians on the ground were also killed and dozens injured when debris from the plane struck… pic.twitter.com/PS733snFLg
Мяркуецца, што загінулі людзі як на борце самалёта, так і на зямлі, бо пры падзенні ён урэзаўся ў жылы дом.
Сярод ахвяр катастрофы — генерал-маёр Бар Ахмед, кіраўнік урадавай арміі, які раней займаў пасаду начальніка гарнізона Хартума.
У Судане працягваецца грамадзянская вайна паміж урадавай арміяй і так званымі «Сіламі хуткага рэагавання». Паводле першапачатковых паведамленняў, крушэнне самалёта адбылося ў выніку тэхнічнай няспраўнасці, а не ваенных дзеянняў.
Каментары