Minčuki stali aktyŭna skardzicca na bieły nalot. Kiroŭcy pieražyvajuć za kuzavy svaich aŭtamabilaŭ, piešachody — za stan abutku, piša Onliner.by.
— Čamu hetaj zimoj tak šmat reahientaŭ na vulicy: chodnikach i prajeznaj častcy? Sto mietraŭ pa praśpiekcie — i abutak uvieś u biełym pyle, — źviarnułasia adna žančyna.
— Sol — vielizarnaja prablema hetaha siezonu. U nas tydzień myjka dymicca prosta ad kolkaści ludziej i abjomu pracy. Mnie zdajecca, takoha tydnia ŭ nas nie było dahetul nikoli. 180 zvankoŭ u dzień minimum, my ličyli, — kaža Alaksandr, jaki pradstaŭlaje detejlinh-studyju Aqualab.
Zrazumieła, čaho aścierahajucca aŭtamabilisty: taho, što sol moža niehatyŭna adbicca na stanie kuzava ich aŭto. Tyja ž strachi ŭ piešachodaŭ adnosna zimovaha abutku.
— Darohi pry hetym całkam suchija. Nastolki ŭsia sol pieratvaryłasia ŭ drobny pył, što navat vidać, jak jana ŭzdymajecca vobłakam, varta jakoj-niebudź mašynie prajechać pa vulicy. Pryčym, na moj pohlad, mienavita z-za taho, što vilhotnaść nizkaja, sol hetaja — faktyčna suchi pył, škoda ad jaje dla kuzava aŭtamabila nie takaja i vialikija, uździejańnie nie takoje ahresiŭnaje, jak kali b heta byŭ voś hety vadki salany rastvor z soli i rastałaha śniehu, jaki lipnie da mašyn na darozie.
Jakaja vysnova? Panikavać nie treba. Ale myć mašynu treba, kab sol nie znachodziłasia na kuzavie doŭhi čas. Pryčym lepš nadać hetamu značnuju ŭvahu, kab dakładna vymyć sol z usich ščylin, stykaŭ i drobnych detalaŭ.
— I dla taho, kab dakładna dobra sol vymyć adusiul, nieabchodna niekalki etapaŭ myjki. Adzin raz za zimu zajechać na myjku samaabsłuhoŭvańnia budzie vidavočna niedastatkova, — kaža surazmoŭca.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii11
Kamientary