Sustreča Pucina i Trampa moža adbycca ŭ Saudaŭskaj Aravii ŭžo na nastupnym tydni, jaje praviadzieńnie delehacyi dźviuch krain mohuć uzhadnić siońnia, piša Bloomberg.
Pra heta było siońnia zajaŭlena ŭ Er-Ryjadzie.
Nahadajem, što siońnia ŭ Er-Ryjadzie sustrakajucca dziaržsakratar ZŠA Marka Rubia i ministr zamiežnych spraŭ Rasii Siarhiej Łaŭroŭ.
Razam z tym pamočnik Pucina Juryj Ušakoŭ skazaŭ, što sustreča prezidentaŭ RF i ZŠA naŭrad ci adbudziecca na nastupnym tydni, ale asobnyja kamandy pierahavorščykaŭ Rasii i ZŠA pačnuć kantakty pa Ukrainie ŭ svoj čas, zajaviŭ Ušakoŭ.
Namieśnik kiraŭnika MZS RF Alaksandr Hruško — pra pieramovy ŭ Er-Ryjadzie prakamientavaŭ siońniašnija pieramovy: «My viedajem pazicyju Trampa [pa Ukrainie]. Siońnia jana budzie vykładziena ŭ detalach našym pradstaŭnikam, pryznačanym prezidentam Rasii».
«Siońnia krainy ES i jeŭrapiejcy patrabujuć niejkim čynam miesca za stałom pieramoŭ pa ŭrehulavańni ŭkrainskaha kanfliktu. Heta prosta dzivić, bo ciaham mnohich hadoŭ jany ŭžo za hetym stałom znachodzilisia. Uvieś sens jeŭrapiejskaj palityki zaklučaŭsia ŭ tym, kab nie dazvolić kanfliktu zaviaršycca z prymianieńniem palityka-dypłamatyčnych srodkaŭ, a praciahvać jaho da poŭnaj pieramohi nad Rasijaj», — dadaŭ jon.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami1
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary