U Mahilovie rybaki nałavili ŭ Dniapry čyrvanaknižnikaŭ i atrymali vialiki štraf z chatniaj «chimijaj»
U Mahilovie sudzili dvuch rybakoŭ i adnaho ich pamahataha za niezakonnuju rybałku. U listapadzie 2024 hoda mužčyny pryjechali na Dniapro, sieli ŭ matornuju łodku i spłaŭnoj sietkaj pačali łoŭlu. U vyniku zdabyli 99 laščoŭ, 2 žerachaŭ i 2 vusačoŭ. Apošniaja rybina redkaja i ŭniesienaja ŭ Čyrvonuju knihu.
Padličanaja suma škody navakolnamu asiarodździu skłała 15 720 rubloŭ. Abvinavačanyja vinu pryznali i kampiensavali naniesienuju škodu.
Akramia taho, za niezakonnuju rybałku i vyłaŭlenaha čyrvanaknižnaha vusača mužčyn prysudzili da 2 hadoŭ chatniaj «chimii» i štrafu — pa 4200 rubloŭ z kožnaha. Usia złoŭlenaja ryba i łodka kanfiskavanyja ŭ dachod dziaržavy.
U spravie fihuruje i treci abvinavačany — sam mužčyna rybu nie łaviŭ, ale na jahonaj mašynie rybaki pryjechali da Dniapra. Za dapamohu jamu pryznačyli 1,5 hoda chatniaj «chimii» sa štrafam 2520 rubloŭ.
U Čyrvonuju knihu Biełarusi ŭklučanyja 9 vidaŭ ryb: ścierladź, atłantyčny łasoś, kumža, ručajovaja stronha, jeŭrapiejski charyus, jeŭrapiejskaja koruška, haljan aziorny, zvyčajny vusač i rybiec.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary