U Minsku pradajucca niekatoryja parkovačnyja miescy pa canie kvatery
U Minsku pradajucca sotni haražoŭ i miescaŭ u parkinhach. Pry žadańni, abzavieścisia domam dla svajoj mašyny možna ŭsiaho za paru tysiač dalaraŭ. Ale i jość vielmi darahija, piša Smartpress.by
Taki varyjant znajšoŭsia na vulicy Kalvaryjskaj. U domie №16 (viadomy dom «Vietraź») va ŭbudavanym parkinhu miesca płoščaj 12,3 kvadratnych mietra pradajuć za $60 000 u ekvivalencie. U abjavie paznačany tolki numar miesca i toje, što zajezd u parkinh z boku vulicy Kalvaryjskaj.
Na hetym fonie krychu mienš šakujučaj zdajecca abjava ab mašynamiesca ŭ parkinhu ŭ ŽK «Majak Minska». Za 15,4 «kvadrata» pradaviec prosić kala $41 500 u ekvivalencie. Novamu ŭładalniku ŭ parkinh možna budzie trapić ź lifta doma. Praŭda, u parkinhach žyłoha kompleksu možna znajści varyjanty i tańniej — ad $28 000.
Jašče adzin varyjant z uražlivym ceńnikam u $59 000. Na hety raz heta asobny haraž. Navat dva.
Apisańnie vyhladaje šmatabiacalna. Haražy 1993 hoda pabudovy ahulnaj płoščaj 82 kvadratnyja mietry pradajuć ź ziamielnym učastkam 0,119 ha ŭ arendzie. Budynak cahlany, adnapaviarchovy ź bietonnaj padłohaj. Adzin z dvuch haražoŭ abstalavany jamaj. Siarod inšych plusaŭ — blizkaść mietro i dobraja infrastruktura.
Amal za takuju ž sumu možna kupić cełuju parkoŭku ŭ centry Minska. Jana raźličana na prykładna 40 mašyn i znachodzicca pa adrasie: praśpiekt Pieramožcaŭ, 49. Košt u abjavie — $56 500 u ekvivalencie. Jaje aŭtar nazyvaje prapanovu unikalnaj.
«Heta idealny varyjant jak dla viadzieńnia biźniesu, tak i dla transpartu vašych supracoŭnikaŭ / naviedvalnikaŭ. Majecca raspracavany prajekt pa ŭstalavańni sistemy kantrolu dostupu transpartnych srodkaŭ (šłahbaŭm, kamiera raspaznańnia numaroŭ, kamplekt datčykaŭ, sistema płatnaha dostupu z taryfikacyjaj praz mabilnaje prykładańnie i sistema kruhłasutačnaj suviazi z dyśpietčaram)», — havorycca ŭ apisańni.
Ciapier čytajuć
Aryštavany ministr pryrodnych resursaŭ vybraŭ «stratehiju Bryło»6
Kamientary