Hramadstva3232

Saŭna, u jakuju ŭziali na pracu Bondaravu, niaprostaja. Joj kiruje sieryjny danosčyk-kamunist

Baraćbitka za siamiejnyja kaštoŭnaści Bondarava chodzić trymajučysia za ruki z hetym Bambizam — i heta pry žyvym mužy.

Volha Bondarava

Historyja staličnaj kruhłasutačnaj saŭny «Vientaniera», u jakuju ŭładkavałasia danosčyca Volha Bondarava, napoŭnienaja cikavymi padrabiaznaściami.

Spačatku niekalki słoŭ pra samu saŭnu. Časam jaje nazyvajuć «Saŭna na Smalenskaj» — pa naźvie vulicy ŭ rajonie stancyi mietro «Praletarskaja». Na Jandeksie jana maje davoli vysoki rejtynh 4,8 pa piacibalnaj sistemie i znachodzicca na miažy top-5 najlepšych kruhłasutkavych saŭnaŭ Minska.

Pasłuhi ŭ joj takija samyja, jak i ŭ kankurentaŭ. Kidajecca ŭ vočy zdymak pakojčyka z dvuchspalnym łožkam — vidać, dla klijentaŭ, jakija stamilisia, ale nie lubiać spać u adzinočku. Inšyja saŭny nie majuć takich bonusaŭ. Ci prynamsi nie afišujuć ich.

Tak vyhladaje pakoj adpačynku ŭ «Saŭnie na Smalenskaj». Fota z sajta saŭny

Vyhladaje, što Bondarava ŭładkavałasia ŭ hetu zabaŭlalnuju ŭstanovu pa partyjnaj linii. Choć samu danosčycu vyhnali z Kamunistyčnaj partyi, jakija-nijakija kantakty ŭ jaje zastalisia.

Jak vyjaviłasia, dyrektar kampanii «Vientaniera-Plus», jakaja vałodaje saunaj, nie aby-chto, a Anatol Bambiza. Čym admietny hety člen Kamunistyčnaj partyi Biełarusi? Pra jaho biznes-pośpiechi mała što viadoma, a voś luboŭ Bambizy da danosaŭ adznačyła navat minskaja milicyja.

Anatol Bambiza

U Čornaj mapie Biełarusi zhadvajucca amal 60 jaho zvarotaŭ da siłavikoŭ — Bambiza paviedamlaŭ pra aŭtamabil ź bieł-čyrvona-biełym ściaham, skardziŭsia na hramadzianina, jaki rasklejvaŭ nalepki, aburaŭsia łampadkam u pamiać pra zabitaha Ramana Bandarenku… Za heta ŭ 2022 hodzie sieryjny stukač atrymaŭ hramatu.

U Bambizy nasamreč vielmi šmat supolnaha z Bondaravaj — i saŭna, i kamunizm, i danosy.

Ale i heta nie ŭsio: jany aboje sprabavali prabicca ŭ deputaty Minharsavieta ŭ 2024 hodzie. I aboje zaniali apošniaje miesca ŭ svaich akruhach.

Pryčym Bondarava, jakoj namalavali 4,7% padtrymki, navat vyhladaje paśpiachovym palitykam adnosna Bambizy. Jamu zapisali 1,999% — najhoršy vynik siarod usioj paŭtary sotni kandydataŭ va ŭsim Minsku.

Bambiza aktyŭna ŭdzielničaje ŭ prałukašenkaŭskich mierapryjemstvach — aŭtaprabiehach, pikietach, demanstracyjach. Časam i razam z Bondaravaj, ale ich blizkaść mahła tłumačycca partyjnymi kantaktami.

A voś na adnym z uskładańniaŭ kvietak Bondarava i Bambiza trymalisia za ruki. Tak, heta jaje profil vyhladvaje ź levaha kraju skrynšota. I mienavita Bambiza ŭ čornaj kiepcy i kurtcy z pryntom kudyści viadzie jaje.

Muž baraćbitki za tradycyjnyja siamiejnyja kaštoŭnaści tym časam pracuje dalnabojščykam u Jeŭrasajuzie.

Alaksandr Bondaraŭ — muž danosčycy

Kamientary32

  • Hańba
    11.02.2025
    Čuvicha da pośpiechu jšła. Mahła stać elitnaj prastytutkaj, karalevaj čaŭny i dvuspalnaha pakoju, ale nie fartanuła...
  • Alex
    11.02.2025
    Ja dažie nie znaju na čto eto pochožie bolšie - Santa-Barbara, Kłon, Rabynia Izaura ili Bohatyje tožie płačut, libo vsie vmiesie vziatoje )) Płocho tolko čto zasunuť etich niedočiełoviekov vzad - tuda, otkuda oni povyłazili, - na dannyj momient niekomu.
  • Nul
    11.02.2025
    [Red. vydalena]

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

Drony USU ŭdaryli pa dvuch rasijskich abjektach VPK

Uładalnica biełaruskaha brendu žanočaha adzieńnia Moshe ździviłasia šalonym cenam kankurentaŭ11

Izrail nanosić novy ŭdar pa Iranie3

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

Ajatała Chamieniei: Izrail adkaža za hetyja ataki3

Vyrašyŭ praskočyć pierakryžavańnie na vialikaj chutkaści i ledź nie źbiŭ dzicia2

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić