Paśla danosu Bondaravaj nastaŭnica hoda ź Lachavičaŭ terminova vyjechała ź Biełarusi
Taćciana Krapinievič pracavała ŭ Minsku ŭ biznes-śfiery, a paśla pierabrałasia ŭ Lachavičy, kab vučyć dziaciej
Jašče ŭ pačatku miesiaca Taćciana Krapinievič była namieśnicaj dyrektara lachavickaj himnazii. Ciapier jana apynułasia ŭ Varšavie jak palityčnaja emihrantka.
U śniežni 2024 hoda danosčyca Volha Bondarava — jakaja ŭ svaim salidnym uzroście jašče nie zdoleła atrymać vyšejšuju adukacyju — źviarnuła ŭvahu na instahram Taćciany i zaklikała HUBAZiK razabracca z nastaŭnicaj.
Taćcianaj zacikavilisia siłaviki, i jana vyrašyła źjechać z krainy. Administracyjny sud, pryznačany na 28 studzienia 2025 hoda, projdzie bieź jaje.
Historyja Krapinievič unikalnaja — jana doŭhi čas pracavała ŭ biznes-śfiery ŭ Minsku, ale vyrašyła paŭdzielničać u prahramie «Nastaŭnik dla Biełarusi». Ideja prajektu była ŭ tym, kab vysokakvalifikavanyja śpiecyjalisty vučyli dziaciej u rehijonach — tam, dzie ŭzrovień adukacyi zvyčajna nižejšy, čym u bujnych haradach. Tak Taćciana apynułasia ŭ Lachavičach. U 2023 hodzie jana stała finalistkaj konkursu «Nastaŭnik hoda Biełarusi».
Ciapier razam z 15-hadovaj dačkoj Taćciana abžyvajecca ŭ Varšavie.
Bysol abvieściŭ zbor na dapamohu nastaŭnicy.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary