Navukoŭcy prapanujuć zabaranić vykarystańnie mietaładetektaraŭ dla fizičnych asob. Pra heta zajaviŭ dyrektar Instytuta historyi Nacyjanalnaj akademii navuk Biełarusi Vadzim Łakiza, paviedamlaje Sputnik. Patrebna heta dla taho, kab zmahacca z «čornymi kapalnikami» na archieałahičnych pomnikach.
«Vy možacie kupić. Chočaš — pradavaj, ale vykarystoŭvać možna tolki ŭ navukovych abo śpiecyjalnych metach», — rastłumačyŭ ideju Vadzim Łakiza.
Jon dadaŭ, što havorka idzie pra zabaronu mietałašukalnikaŭ pa anałohii ź niadaŭnimi abmiežavańniami, uviedzienymi dziaržavaj, pa bieśpiłotnikach. Tyja ciapier dazvolena vykarystoŭvać i zachoŭvać tolki arhanizacyjam.
«Staić vostra, navat, napeŭna, zvyšvostra prablema čornych kapalnikaŭ. Na žal, heta ahulnasuśvietnaja prablema, i ŭ susiednich dziaržavach», ― padkreśliŭ Łakiza.
Jon panakaraŭ, što ciapier praź internet adkryta pradajucca archieałahičnyja artefakty, jakija pa zakonie ličacca ŭłasnaściu dziaržavy. Tamu abmiarkoŭvajecca ŭdaskanaleńnie miechanizmu zakryćcia takich sajtaŭ.
Pry hetym, pavodle słoŭ dyrektara Instytuta historyi, takija łoty vystaŭlajuć na prodaž nie tolki na śpiecyjalizavanych resursach, ale i na šyroka viadomych anłajn-placoŭkach dla abjaŭ. Choć za taki prodaž praduhledžanaja administracyjnaja adkaznaść.
«Voś hladzicie Belklad, naprykład. Navat na «Kufry» pradajucca archieałahičnyja artefakty», — skazaŭ Vadzim Łakiza.
U cełym, jak jon śćviardžaje, užo padrychtavany płan pa baraćbie ź nielehalnym pošukam i abarotam archieałahičnych artefaktaŭ na 2024—2027 hady.
Pačałasia praca pa stvareńni archieałahičnaha muzieja pad adkrytym niebam na Miency
U Prypiackim nacyjanalnym parku adšukali staražytnyja kurhany
U Hrodnie pravierać biaśpieku Zamkavaj hary — kab Stary zamak nie spoŭz u Nioman
Archieołahi suprać pabudovy na miescy chrama XII stahodździa ŭ Połacku kaplicy
Abmiežavańni suprać dronaŭ tarmoziać łaziernuju archieałohiju ŭ Biełarusi
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary