U kanale HUBAZiKa źjaviłasia dziŭnaje śćviardžeńnie pra admina «Biełaruskaha Hajuna»
Paviedamleńnie tyčyłasia žurnalista Jana Aŭsiejuškina.
U telehram-kanale HUBAZiKa źjaviłasia śćviardžeńnie, što «rabotnik russkojazyčnoj viersii [Našaj Nivy] … Jan Avsiejuškin sostoit … adminom v … «[Biełaruskim] Hajunie».
Biełaruski žurnalist Jan Aŭsiejuškin sapraŭdy isnuje, ale jon nie pracuje i nikoli nie pracavaŭ u «Našaj Nivie».
Bolš za toje, nakolki nam pakazvajuć dastupnyja nam srodki analizu telehram-aktyŭnaściaŭ, Jan Aŭsiejuškin nie asacyjujecca z telehramnym nikam «Jan», jaki fihuruje na skrynšocie HUBAZa. A kanał, jaki asacyjavali z Aŭsiejuškinym, daŭno jamu nie naležyć.
Nahadajem, što HUBAZiK, jaki stvaraŭsia dla baraćby z arhanizavanaj złačynnaściu i karupcyjaj, pieratvaryŭsia ŭ «palityčnuju palicyju» i instrumient ažyćciaŭleńnia masavych palityčnych represij. Jany praciahvajucca z 2020 hoda. Tady Alaksandr Łukašenka, imavierna, prajhraŭ vybary Śviatłanie Cichanoŭskaj, ale nie addaŭ ułady i pačaŭ dušyć narod. Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli jak minimum 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary
Połučajetsia Motolko navriedił, i srazu spriatałsia v kusty. Nikakoj informacii čto diełať, kak provieriť, da i elemientarno kakaja informacija pieriesyłałaś v jeho čat, nieužieli i ID polzovatielej tožie tuda pieriesyłaliś?