Hałoŭčanka paabiacaŭ, što praz 15 hadoŭ praciahłaść žyćcia biełarusaŭ budzie składać 80 hadoŭ
To-bok jana pavinna vyraści na šeść hadoŭ.
Premjer-ministr Raman Hałoŭčanka skazaŭ, što da 2040 hoda praciahłaść žyćcia ŭ Biełarusi vyraście da 80,5 hoda, piša BiełTA.
Tak, premjer patłumačyŭ, što Nacyjanalnaja stratehija ŭstojlivaha raźvićcia Biełarusi na pieryjad da 2040 hoda, siarod inšaha, uklučaje napramki, jakija patrabujuć asablivaj uvahi i znachodziacca ŭ paradku dnia. Tut jon nazvaŭ pytańni demahrafii, ekałohii i bałansu resursaŭ.
Što da kolkasnych pakazčykaŭ stratehii, to jon nazvaŭ ličby, zapłanavanyja na 2040 hod, padkreśliŭšy ich ambicyjnaść.
— Rost vałavoha ŭnutranaha praduktu, inviestycyj i ekspartu amal u dva razy, dola ličbavaj ekanomiki — u try razy, dola vysokatechnałahičnych vytvorčaściej — da 50%, — pieraličyŭ jon.
A jašče premjer paviedamiŭ, jakoj budzie praciahłaść žyćcia biełarusaŭ praz 15 hadoŭ.
— Praciahłaść žyćcia — da 80,5 hoda, — upeŭnieny premjer.
Jak paviedamlaŭ Biełstat, u 2023 hodzie praciahłaść žyćcia ŭ Biełarusi składała 74,6 hoda
Pry hetym mužčyny ŭ siarednim žyvuć 69,3 hoda (amal na šeść hadoŭ daŭžej, čym u 2000-m), a žančyny — 79,7 hoda (roŭna na piać hadoŭ daŭžej, čym 24 hady tamu).
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
I heta tolki siaredni ŭzrost.