Najnoŭšaja madel elektramabila Zeekr pakazała suśvietny rekord pa chutkaści zaradki
Brend Zeekr, jaki naležyć papularnamu kitajskamu aŭtavytvorcu Geely, vypuściŭ samy mahutny «załaty» akumulatar i abstalavaŭ im svaje aŭto. Što pa cenach?
Kampanija Zeekr, jakaja ŭvachodzić u skład kitajskaha aŭtavytvorcy Geely Holding Group, ustanaviła novy suśvietny rekord chutkaści zaradki elektramabila.
Novaja lityj-žaleza-fasfatnaja batareja Golden Battery 5.5C jomistaściu 75 kVt·h ad Zeekr prajšła strohaje vyprabavańnie, paćvierdziŭšy rekordnyja vyniki. Abstalavanaja joj najnoŭšaja madel Zeekr 7X zaradžajecca z 10 da 80% usiaho za 9 chvilin 45 siekund. Heta stała mahčymym dziakujučy vykarystańniu mahutnych zaradnych stancyj z maksimalnaj mahutnaściu da 840 kVt, piša partał Interesting Engineering.
Padčas testavańnia Zeekr 7X zaradžaŭsia pry mahutnaści 200 kVt, a zatym dasiahaŭ pikavaj mahutnaści 460 kVt. U siarednim pakazčyk skłaŭ 400 kVt. Heta dazvalaje za adnu chvilinu zaradki atrymać zapas chodu na 33,7 km, što nabližaje praces zaradki da chutkaści zapraŭki tradycyjnych aŭtamabilaŭ.
Dla paraŭnańnia, Model 3 ad Tesla patrabuje 15 chvilin zaradki, kab prajechać 282 km.
Sakretam novaj batarei Zeekr źjaŭlajecca jaje zdolnaść zastavacca stabilnaj pry nizkich tempieraturach. Navat pry -10°C akumulatar zaradžajecca z 10 da 80% usiaho za 30 chvilin, što niedastupna dla bolšaści tradycyjnych elektramabilnych batarej, adznačajuć teściroŭščyki.
Zeekr 7X (2025) z takoj «załatoj batarejaj» kaštuje ad $31 tysiač u Kitai i ad $48 da $56 tysiač u Jeŭropie. Dastaŭka takoha elektramabila ŭ Biełaruś abydziecca ŭ minimum $33-34 tysiačy.
Dastaŭka ŭ Biełaruś jašče adnoj madeli z «załatoj batarejaj» — elektrasiedana Zeekr 007 (2025) — moža kaštavać ad $32 tysiač.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii3
Kamientary