Biełaruskuju stancyju radyjoelektronnaj baraćby z BPŁA «Hroza-C» znajšli ŭ Sudanie. Jaje vykarystoŭvali paŭstancy z hrupoŭki «Siły chutkaha reahavańnia» (Rapid Support Forces, RSF), piša Reform.news.
RSF — vajenizavanaja arhanizacyja, stvoranaja ŭ 2013 hodzie na bazie praŭradavaha apałčeńnia. Da 2023 hoda jana padparadkoŭvałasia ŭradu Sudana, ale ŭ krasaviku 2023 hoda ŭstupiła ŭ kanflikt ź dziaržaŭnymi ŭzbrojenymi siłami.
ŚMI pisali, što hrupu padtrymlivaje zbrojaj PVK «Vahnier», choć kolišni jan ŭładalnik Jaŭhien Pryhožyn zajaŭlaŭ, što PVK nibyta nie ŭdzielničaje ŭ kanflikcie ŭ Sudanie.
Uzbrojenyja siły Sudana (VSS) vyjavili stancyju, kali zachapili bujnuju bazu RSF na poŭnač ad Chartuma, paviedamlaje military.africa.
27 studzienia ŭ sacsietkach źjavilisia fota i videa źniščanaj stancyi REB, jakuju identyfikavali jak «Hroza-C» vytvorčaści AAT «KB Radar». Paviedamlajecca, što ŭ jaje trapiŭ dron padčas bajoŭ niedaloka ad NPZ «Al-Džyli».
«Hroza-C» raspracavanaja ŭ 2016 hoda. Jana vykarystoŭvajecca dla vyjaŭleńnia i pierachopu BPŁA šlacham farmiravańnia pieraškod navihacyjnaha abstalavańnia. Dalokaść dziejańnia — da 40 km.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary