Siaredni zarobak — $2500, VUP — $32 tysiačy na čałavieka. Ministarka ekanomiki va ŭradzie Cichanoŭskaj prezientavała stratehiju na 10 hadoŭ
Pradstaŭnica Abjadnanaha pierachodnaha kabinieta Biełarusi pa ekanamičnych reformach Alisa Ryžyčenka prezientavała ŭ Varšavie doŭhaterminovuju Stratehiju ekanamičnaha raźvićcia demakratyčnaj Biełarusi da 2035 hoda.
«U asnovie našaj stratehii lažyć ideja trajnoha pryjarytetu: reforma sistemy adukacyi i navuki pavinna iści paralelna z paskoranym technałahičnym raźvićciom ekanomiki. Hetyja try napramki ŭzajemna ŭmacoŭvajuć adzin adnaho i stvarajuć sinierhietyčny efiekt transfarmacyi», — zajaviła Alisa Ryžyčenka.
Pradstaŭnica ekanomiki i finansaŭ padkreśliła, što ŭ Biełarusi niama značnych pryrodnych resursaŭ, ale jość toje, što dazvoliła kvitnieć Estonii, Irłandyi, Izrailu i Sinhapuru:
«U nas jość adukavanyja, talenavityja ludzi i zdolnaść chutka adaptavać sučasnyja technałohii. Mienavita spałučeńnie čałaviečaha kapitału i technałahičnaha praryvu pavinna stać fundamientam našaha budučaha ekanamičnaha raźvićcia».
Pavodle słoŭ Alisy Ryžyčenki, siońniašniaja situacyja krytyčnaja: «Sistema adukacyi dehraduje, navuka znachodzicca na miažy kałapsu, technałahičnaje adstavańnie tolki narastaje».
Adnak demakratyčny pierachod, pa jaje słovach, adkryvaje «ŭnikalnaje akno mahčymaściej».
Stratehija praduhledžvaje try paralelnyja treki:
— adukacyja: finansavańnie da 6—7% VUP, radykalnaje pavyšeńnie zarpłat piedahohaŭ, madernizacyja prahram.
— navuka i inavacyi: stvareńnie daśledčych centraŭ, intehracyja z univiersitetami i biznesam, vydatki na R&D — 2—3% VUP.
— technałahičnaje raźvićcio: poŭnaja ličbavizacyja ekanomiki, rost IT-siektara da 15% VUP, raźvićcio vysokatechnałahičnych vytvorčaściaŭ.
«Da 2035 hoda Biełaruś zdolnaja dasiahnuć VUP na dušu nasielnictva ŭ 28—32 tysiačy dalaraŭ ZŠA — heta ŭ čatyry razy vyšej za ciapierašni ŭzrovień. IT-siektar budzie składać 15% VUP zamiest 3%, vysokatechnałahičny ekspart — 25% zamiest 3%, siaredniaja zarpłata dasiahnie 2000—2500 dalaraŭ, a vytvorčaść pracy vyraście ŭdvaja», — padsumavała Alisa Ryžyčenka.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy36
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
voś tolki ŭ krainie hetaj cudoŭnaj nie daviadziecca žyć ni tabie, ni mnie