Prezident Ukrainy hatovy źmianić zakanadaŭstva pra vybary padčas vajennaha stanovišča.
Prezident Ukrainy zajaviŭ, što hatovy da prezidenckich vybaraŭ, kali mižnarodnyja partniory zmohuć zabiaśpiečyć biaśpieku padčas ich praviadzieńnia. Zialenski hatovy da źmianieńniaŭ u zakanadaŭstvie pra vybary padčas vajennaha stanovišča i čakaje prapanoŭ ad parłamienta. Pra heta prezident Ukrainy zajaviŭ u kamientary žurnalistam 9 śniežnia padčas anłajn-bryfinhu padčas viztu ŭ Italiju i Vatykan, piša «Ukrainskaja praŭda».
U Zialenskaha spytali, ci akazvali ZŠA cisk na Ukrainu ŭ pytańni vybaraŭ i ci abmiarkoŭvali delehacyi mahčymyja prezidenckija vybary va Ukrainie.
«Ja heta pytańnie nie abmiarkoŭvaŭ. Pytańnie vybaraŭ va Ukrainie, mnie zdajecca, pieradusim zaležyć ad našaha naroda, i heta pytańnie naroda Ukrainy, a nie naroda inšych dziaržaŭ. Pry ŭsioj pavazie da našych partnioraŭ.
Skažu ščyra, što da vybaraŭ ja hatovy…
Kab pravieści vybary, jość dva pytańni — pierš za ŭsio biaśpieka: jak heta zrabić pad udarami, rakietami, jak buduć hałasavać našy vajskoŭcy; druhoje — zakanadaŭčaja asnova dla lehitymnaści praviadzieńnia vybaraŭ. I kali hetaje pytańnie ŭzdymaje prezident ZŠA, našy partniory, ja adkažu vielmi koratka: Hladzicie, ja hatovy da vybaraŭ.
Bolš za toje — ja prašu ciapier ZŠA dapamahčy mnie, možna razam ź jeŭrapiejskimi kalehami, harantavać biaśpieku dla praviadzieńnia vybaraŭ. Tady nastupnyja 60—90 dzion Ukraina budzie hatovaja da praviadzieńnia vybaraŭ. Ja asabista maju na heta volu i hatoŭnaść.
Ja prašu, kab deputaty našaj frakcyi, parłamientaryjaŭ, padrychtavali zakanadaŭčyja prapanovy adnosna mahčymaści źmieny zakanadaŭčych asnoŭ i zakona pra vybary padčas vajennaha stanovišča. Padrychtavali heta dla mianie.
Ja ŭ sieradu budu va Ukrainie, čakaju prapanoŭ ad partnioraŭ i deputataŭ i hatovy iści na vybary».
Zialenski nazvaŭ «nieadekvatnymi» zdahadki pra toje, što nibyta jon trymajecca za prezidenckaje kresła i tamu va Ukrainie dahetul praciahvajecca vajna.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary