15 hadzin spatrebiłasia, kab sabrać zbor dla evakujavanaj siamji Taćciany Krapinievič, na jakuju daniesła Bondarava
Paśla danosu Bondaravaj nastaŭnica hoda ź Lachavičaŭ terminova vyjechała ź Biełarusi.
15 hadzin spatrebiłasia, kab sabrać zbor dla evakujavanaj siamji Taćciany Krapinievič, napisaŭ u svaim telehram-kanale kiraŭnik «Bajsoła» Andrej Stryžak.
Taćciana Krapinievič pracavała ŭ Minsku ŭ biznes-śfiery, a paśla pierabrałasia ŭ Lachavičy, kab vučyć dziaciej. Jašče ŭ pačatku miesiaca Taćciana była namieśnicaj dyrektara lachavickaj himnazii. Ciapier jana apynułasia ŭ Varšavie jak palityčnaja emihrantka.
U śniežni 2024 hoda danosčyca Volha Bondarava — jakaja ŭ svaim salidnym uzroście jašče nie zdoleła atrymać vyšejšuju adukacyju — źviarnuła ŭvahu na instahram Taćciany i zaklikała HUBAZiK razabracca z nastaŭnicaj.
Taćcianaj zacikavilisia siłaviki, i jana vyrašyła źjechać z krainy. Administracyjny sud, pryznačany na 28 studzienia 2025 hoda, projdzie bieź jaje. Taćciana z 15-hadovaj dačkoj vyjechała ź Biełarusi ŭ Varšavu. Bysol abvieściŭ zbor na dapamohu nastaŭnicy.
Patrabavałasia sabrać 2900 jeŭra, pa stanie na 09:00 ranicy sierady sabrana 3040 jeŭra.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary