Alaksandr Łukašenka zapeŭnivaje, što heta nie sihnał Zachadu, ale pachvaliŭ amierykancaŭ, jakija abaraniajuć svaich palitviaźniaŭ.
Łukašenka na pres-kanfierencyi 26 studzienia zakranuŭ temu pamiłavańnia palitviaźniaŭ.
«Što datyčyć palitviaźniaŭ — vy nikomu nie viercie, što na mianie niechta nacisnuŭ, niechta ź biehłych, uvohule ź imi nie majem nijakich stasunkaŭ… Jany mianie paprasili i nacisnuli — dy nie!
My ž adpuścili ludziej, jakija paprasili pra heta, heta pa-pieršaje. Maja była ŭmova, davajcie pahladzim — jość ža chvoryja, jość staryja, jakija jany revalucyjaniery? Nu, parušyli zakon. Abo ŭ turmie buduć siadzieć, abo my ich tam adpuścim na ich ža chlaby, karmić nie budziem. Sychodziŭ z prahmatyčnaj situacyi», — skazaŭ Łukašenka.
Jon dadaŭ, što nie vykarystoŭvaje hety praces dla naładžvańnia stasunkaŭ z Zachadam.
«Publična vam kažu — my nie žadajem vykarystoŭvać praces vyzvaleńnia hetych kryminalnikaŭ dziela taho, kab dać sihnał Zachadu. Dy plavać ja chacieŭ na hety Zachad! Pasłuchajcie mianie, u mianie absalutna niama hetaha žadańnia. Tak, ciažka, sankcyi — heta zaŭždy niaprosta, ale my damovilisia sa svaimi partniorami», — skazaŭ jon.
Adnak praz chvilinu palityk pryznaŭsia, što viadzie dyjałoh z Zachadam datyčna vyzvaleńnia palitviaźniaŭ:
«U ich ža — maŭlaŭ, viedajecie, kali ja paprašu [pra pamiłavańnie], to heta ja dyktatara paprašu, i heta značyć, što ja pryznaju svaju vinu. Chłopcy, usio ŭ vašych rukach, prosicie — budziem razhladać. Voś apošni raz vyzvalili 15 ci kolki tam. Pa-mojmu, bolš čym dziesiaci ŭvohule admovili.
Vyzvalajem my hetych ludziej vyklučna z pryncypu humannaści, a nie tamu što niechta pažadaŭ. Prosiać tam i Złučanyja Štaty Amieryki, i inšyja, jany małajcy ŭ hetym płanie, tam ža i amierykanskija hramadzianie jość, jany ich abaraniajuć. My ich čujem i napramuju, biez usiakich našych opaŭ (apazicyjanieraŭ — «NN») viadziom ź imi dyjałoh. Dumaju, i tam, i tut ludzi razumnyja, damovimsia. Kali jany nie zabivali tut u nas i nie hvałcili, my razhledzim hetaje pytańnie. Ale kali jany hruba parušyli kryminalny kodeks, ja nie mahu heta zrabić, tamu što zaŭtra mianie pačnuć užo vašy kalehi (žurnalisty — «NN») kvasić», — skazaŭ Łukašenka.
«Naša Niva» — bastyjon biełaruščyny
PADTRYMAĆCiapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary