Arandatarka-rasijanka raptoŭna źjechała. Uładalnica kvatery chvalujecca, što ciapier treba skasoŭvać damovu praz sud
Pakul dziejničaje damova arendy, uładalnik kvatery pavinien płacić padatki. Ale što rabić, kali kvatarant raptoŭna źnik? Spytali ŭ jurystki.
Pra niepryjemny vypadak biełaruska raskazała ŭ tvitary. Jana zdała kvateru rasijancy. Taja płanavała žyć hod, ale čamuści vyrašyła źjechać praź miesiac. Prosta dasłała arandatarcy paviedamleńnie: «Prabačcie, ja źjazdžaju, klučy ŭ paštovaj skryncy, zadatak pakińcie sabie».
Ułaśnica kvatery paprasiła rasijanku pryjechać i aficyjna skasavać damovu, ale byłaja kvatarantka admoviłasia, a potym pierastała adkazvać na paviedamleńni. Biełaruska chvalavałasia, što pryjdziecca ciapier iści ŭ sud. Bo treba skasavać damovu, kab mieć mahčymaść aficyjna šukać novaha žylca. Tamu što pakul staraja damova dziejničaje, arendadaŭca pavinna płacić padatki za kvatarantku.
Ale ci tak heta?
Zhodna z p. 2 art. 62 Žyllovaha kodeksa najmalnik žyłoha pamiaškańnia maje prava skasavać dahavor najmu ŭ luby čas paśla vykanańnia svaich abaviazacielstvaŭ pierad arendadaŭcam, prapisanych u damovie i Žyllovym kodeksie. Pry vyjeździe kvataranta i členaŭ jaho siamji dahavor najmu ličycca skasavanym z dnia ich vyjezdu.
«Miarkujučy pa ŭsim, najmalnik kvatery (dziaŭčyna) vyjechała, pra što paviedamiła ŭłaśnicy kvatery. Tamu, pavodle vyšejpryviedzienaj normy, damova najmu kvatery ŭžo ličycca skasavanaj, i niama nijakaj nieabchodnaści źviartacca ŭ sud. Dumaju, nieabchodna paviedamić u ŽES i padatkovuju ab adnabakovym skasavańni damovy i pakazać apaviaščeńni ad dziaŭčyny», — kamientuje «Našaj Nivie» jurystka (jaje imia nie pryvodzicca ŭ metach biaśpieki).
Što da zadatku, to, kali ŭ nievykanańni damovy vinavaty kvatarant, jon zastajecca ŭ arendadaŭcy. Da taho ž vinavaty bok abaviazany pakryć druhomu boku straty z zalikam sumy zadatku, kali ŭ damovie nie praduhledžana inšaje.
«Tamu ŭ hetaj situacyi nieabchodna čytać umovy damovy. Ale pa ahulnym pravile ŭłaśnica moža pakinuć sabie zadatak i vykarystoŭvać jaho, naprykład, na drobny ramont abo vypłatu kamunalnych płaciažoŭ», — dadaje jurystka.
Kala 1000 rubloŭ padatkaŭ za kvateru, ź jakoj moŭčki źnikli kvataranty: žančyna atrymała niepryjemnaści praz zamiežnikaŭ
Ci zakonna vieści videanazirańnie za kvateraj, kali zdaješ jaje pasutačna?
Biełarusaŭ pačali karać za toje, što jany nie paviedamlajuć MUS pra zdaču kvatery inšaziemcam
Minčanka zdała kvateru i syšła ŭ minus na 1000 rubloŭ
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary