Biełarusaŭ pačali karać za toje, što jany nie paviedamlajuć MUS pra zdaču kvatery inšaziemcam
Tolki ŭ Barysavie aštrafavali ŭžo čatyroch čałaviek.
U Biełarusi pačali karać hramadzian, jakija nie paviedamlajuć u MUS pra zdaču kvater inšaziemcam.
Novy zakon ustupiŭ u siłu ŭ lipieni. Jon abaviazvaje arendadaŭcaŭ paviedamlać u MUS pra inšaziemcaŭ, jakim jany zdajuć žyłpłošču. Pryčym zrabić heta treba ciaham troch hadzin paśla zasialeńnia, adznačaje «Minskaja praŭda».
Paviedamić možna tryma sposabami: praz Adziny partał elektronnych pasłuh, paviedamleńniem pa formie, zaćvierdžanaj pastanovaj MUS, jakoje treba prynieści asabista ŭ orhan unutranych spraŭ pa miescy raźmiaščeńnia žyłoha i inšaha pamiaškańnia, albo praź infarmacyjny resurs MUS. Za parušeńnie pravił praduhledžany štraf da 20 bazavych — 800 biełaruskich rubloŭ.
I arendadaŭcaŭ ŭžo aktyŭna karajuć. Tolki ŭ Barysavie aštrafavali čatyroch miascovych žycharoŭ. Pra adzin z vypadkaŭ raskazaŭ načalnik adździeła hramadzianstva i mihracyi Barysaŭskaha RUUS Maksim Hurjanaŭ:
«Hramadzianin Uźbiekistana prybyŭ u naš horad, kab uładkavacca na pracu kiroŭcam u adnu z handlovych arhanizacyj. Adpaviedna, padaŭ dakumienty da nas. U hetym pieraliku — i damova najmu žylla. Heta było ŭ kancy lipienia.
My pravieryli — paviedamleńnia ad uładalnika nie pastupała. Zaprasili haspadyniu kvatery da nas. Infarmacyja, što jana parušyła zakon, paćvierdziłasia. U vyniku ŭłaśnica zapłaciła štraf».
Ciapier čytajuć
Kala płoščy Banhałor u Minsku vyras jašče adzin zvyšsakretny abjekt18
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary