Syrankoŭ prapanavaŭ zamianić słova «prezident» na «staršynia Respubliki Biełaruś»
Kandydat u prezidenty i pieršy sakratar CK Kamunistyčnaj partyi Biełarusi Siarhiej Syrankoŭ zajaviŭ, što jamu nie padabajecca słova «prezident» dla abaznačeńnia najvyšejšaj dziaržaŭnaj pasady ŭ krainie. Na jaho dumku, «staršynia» pasuje značna lepš.
Pretendent na prezidenckuju pasadu pryznaŭsia, što samo słova «prezident» vyklikaje ŭ jaho peŭny dyskamfort. Na dumku Syrankova, heta słova «zachodniaje i adsyłaje nas da buržuaznaj tradycyi».
«Voś «staršynia Respubliki Biełaruś» hučyć dobra, pa-narodnamu», — dadaŭ Syrankoŭ u intervju RIA «Naviny». Pry hetym jon padkreśliŭ važnaść taho, što heta nazva pavinna być «na našaj movie».
Zaznačym, što mienavita pasady «staršynia» jość u lidaraŭ Kitaja i KNDR.
Raniej Łukašenka zajaviŭ, što z tak zvanych alternatyŭnych kandydataŭ jamu najbolš spadabaŭsia «Siaroža Syrankoŭ».
«Mnie spadabaŭsia Siaroža Syrankoŭ. Nu narmalna. Jon kaža: «Vy viedajecie, my nie suprać, my za, my razam, i my budziem žadać pieramohi dziejnamu prezidentu. Bo toje, što jon robić, nie razychodzicca z našaj prahramaj». Ščyra i adkryta čałaviek ad kamunistaŭ heta skazaŭ. Skazaŭ ščyra. Ja pasłuchaŭ, kali jon vykłaŭ svaju prahramu. Ničoha novaha: my zachavali svaje hihanty-pradpryjemstvy, my starajemsia padzialicca ź ludźmi lišniaj kapiejkaj», — skazaŭ Alaksandr Łukašenka.
Sam Syrankoŭ raniej kazaŭ, što jahonaja zadača na vybarach — zaniać druhoje miesca paśla Łukašenki. Słovy Łukašenki mohuć patencyjna śviedčyć pra toje, što pryniata rašeńnie jahonuju maru ździejśnić.
-
«Nacyjanalnaja identyčnaść — najvažniejšy instrumient supracivu ruskamu miru»: Cichanoŭskaja vystupiła na Forumie imia Kaściuški
-
Šukajuć namieśnika ideołaha Bresckaj vobłaści. Prafiesijnyja patrabavańni ścipłyja, a zarobak kučaraviejšy, čym u Minsku
-
Pravaabaroncy paviedamili pra 30 pieratrusaŭ u svajakoŭ emihrantaŭ
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary