Zialenski apublikavaŭ novaje videa z pałonnym paŭnočnakarejskim vajskoŭcam
Prezident Ukrainy ŭ paniadziełak apublikavaŭ videazapis čarhovaha frahmienta dopytu mierkavanaha paŭnočnakarejskaha vajskoŭca, jaki, jak śćviardžajecca, byŭ uziaty ŭ pałon u Kurskaj vobłaści ŭkrainskimi vajskoŭcami.
Na videa vajskoviec adkazvaje na pytańni pradstaŭnikoŭ ukrainskich śpiecsłužbaŭ praź pierakładčyka. Jon havoryć pa-karejsku. Kali, dzie i pry jakich abstavinach było źniata videa, nie paviedamlajecca. Raniej śćviardžałasia, što jon i jašče adzin vajskoviec KNDR byli ŭziaty ŭ pałon padčas bajoŭ na terytoryi Rasii ŭ pačatku studzienia i dastaŭleny ŭ Kijeŭ. Ich mierkavana ličać pieršymi paŭnočnakarejskimi vajskoŭcami, jakija vajavali na baku Rasii i byli ŭziaty ŭ pałon.
Na apublikavanym Zialenskim videa paŭnočnakarejec raspaviadaje, što prachodziŭ terminovuju słužbu ŭ armii KNDR z 17 hadoŭ. Jon śćviardžaje, što razam prykładna sa sta suajčyńnikami prybyŭ u Rasiju na karabli, zatym ich vieźli ciahnikom.
Pry hetym im nie kazali, što jany buduć vajavać u Rasii. Pałonny zajaŭlaje, što siarod jaho tavaryšaŭ pa słužbie «było vielmi šmat paciarpiełych u bajach». Jon taksama kaža, što ničoha nie viedaŭ pra śviet za miežami Paŭnočnaj Karei, u tym liku i pra Paŭdniovuju Kareju.
«Infarmacyja raźviedki ab pieramiaščeńni takich vajskoŭcaŭ na rasijskuju terytoryju, ich padrychtoŭcy i ich ahulnaj infarmacyjnaj izalacyi paćviardžajecca słovami pałonnych», — havorycca ŭ publikacyi Zialenskaha.
Raniej Zialenski ŭžo vykładvaŭ videa z dopytam pałonnaha, na jakim toj kaža, što nie viedaŭ, što jedzie ŭ Rasiju na vajnu.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary