Patrušaŭ zajaviŭ, što Ukraina i Małdova mohuć «spynić isnavańnie», a pieramovy pa Ukrainie pavinny vieścisia z ZŠA bieź ES
Pamočnik prezidenta RF Mikałaj Patrušaŭ, jaki ŭvachodzić u najbližejšaje asiarodździe Uładzimira Pucina, daŭ intervju «Kamsamolskaj praŭdzie». U im jon zrabiŭ šerah prahramnych zajaŭ.
Źmiena ŭłady ŭ ZŠA abiacaje mocna źmianić hłabalny suśvietny paradak dnia, ličyć Patrušaŭ. Na jaho dumku, Donalda Trampa Ukraina nie chvaluje. «Dla bajdenaŭskaj administracyi Ukraina była biezumoŭnym pryjarytetam. Jasna, što adnosiny pamiž Trampam i Bajdenam antahanistyčnyja. Tamu Ukraina nie budzie ŭvachodzić u lik pryjarytetaŭ Trampa. Jaho bolš chvaluje Kitaj», — miarkuje Patrušaŭ.
Pavodle słoŭ Patrušava, pieramovy nakont Ukrainy pavinny vieścisia pamiž Rasijaj i ZŠA biez udziełu inšych krain Zachadu.
«Ni ź jakim Łondanam i Brusielem razmaŭlać niama pra što», — davodzić jon.
Pavodle jaho słoŭ, los terytoryj, jakija anieksiravała Rasijskaj Fiederacyja «navat nie abmiarkoŭvajecca». «Terytoryi, jakija niekali kiravalisia z Kijeva, uvajšli ŭ skład Rasii pa vynikach volevyjaŭleńnia hramadzian zhodna ź mižnarodnym pravam, zakonami Rasijskaj Fiederacyi i zakanadaŭstva hetych rehijonaŭ», — kaža jon.
Bolš za toje, jon choča, kab «u śviecie było pryznana ŭvachodžańnie ŭ skład Rasijskaj Fiederacyi DNR, ŁNR, Zaparožskaj i Chiersonskaj abłaściej, Respubliki Krym i Sievastopala».
«Nie vyklučana, što ŭ novym hodzie Ukraina ŭvohule spynić svajo isnavańnie», — kaža jon.
Hałoŭnym pryjarytetam dla Rasii Patrušaŭ nazvaŭ «abaronu i dabrabyt svaich hramadzian i suajčyńnikaŭ pa ŭsim śviecie», čym RF abhruntoŭvała ŭvarvańnie va Ukrainu.
«Kali kazać ab mižnarodnym aśpiekcie, to pavinna być spyniena dyskryminacyja ruskaha nasielnictva ŭ cełym šerahu krain, i viadoma, u Prybałtycy i Małdavii», — dadaŭ hetym krainam tryvohi Patrušaŭ.
Jon abvinavaciŭ hetyja krainy ŭ rusafobii. «Nie vyklučaju, što ahresiŭnaja antyrasiejskaja palityka Kišyniova pryviadzie da taho, što Małdavija albo ŭvojdzie ŭ skład inšaj dziaržavy, albo ŭvohule spynić svajo isnavańnie. U dadzienaj situacyi možna pahladzieć na prykład Ukrainy, dzie nieanacyzm i rusafobija pryviali krainu da krachu, pryčym jašče zadoŭha da śpiecyjalnaj vajennaj apieracyi», — piša pamočnik Pucina.
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie3
Kamientary
Zabiehaja vpieried—i Ukraina,i Mołdova,i Biełaruś ostanutsia,kak by niedoraźvitym s ich osklizłymi miečtami ich nie chotiełoś prisobačiť ili uničtožiť.
A vot nasčiet suŝiestvovanija ordy jesť voprosy.