Свет2828

Патрушаў заявіў­, што Украіна і Малдова могуць «спыніць існаванне», а перамовы па Украіне павінны весціся з ЗША без ЕС

Памочнік прэзідэнта РФ Мікалай Патрушаў, які ўваходзіць у найбліжэйшае асяроддзе Уладзіміра Пуціна, даў інтэрв'ю «Камсамольскай праўдзе». У ім ён зрабіў шэраг праграмных заяў. 

Памочнік прэзідэнта РФ Мікалай Патрушаў. Фота: Sergei Guneyev, Sputnik, Kremlin Pool Photo via AP, File

Змена ўлады ў ЗША абяцае моцна змяніць глабальны сусветны парадак дня, лічыць Патрушаў. На яго думку, Дональда Трампа Украіна не хвалюе. «Для байдэнаўскай адміністрацыі Украіна была безумоўным прыярытэтам. Ясна, што адносіны паміж Трампам і Байдэнам антаганістычныя. Таму Украіна не будзе ўваходзіць у лік прыярытэтаў Трампа. Яго больш хвалюе Кітай», — мяркуе Патрушаў.

Паводле слоў Патрушава, перамовы наконт Украіны павінны весціся паміж Расіяй і ЗША без удзелу іншых краін Захаду.

«Ні з якім Лонданам і Бруселем размаўляць няма пра што», — даводзіць ён.

Паводле яго слоў, лёс тэрыторый, якія анексіравала Расійскай Федэрацыя «нават не абмяркоўваецца». «Тэрыторыі, якія некалі кіраваліся з Кіева, увайшлі ў склад Расіі па выніках волевыяўлення грамадзян згодна з міжнародным правам, законамі Расійскай Федэрацыі і заканадаўства гэтых рэгіёнаў», — кажа ён. 

Больш за тое, ён хоча, каб «у свеце было прызнана ўваходжанне ў склад Расійскай Федэрацыі ДНР, ЛНР, Запарожскай і Херсонскай абласцей, Рэспублікі Крым і Севастопаля».

«Не выключана, што ў новым годзе Украіна ўвогуле спыніць сваё існаванне», — кажа ён. 

Галоўным прыярытэтам для Расіі Патрушаў назваў «абарону і дабрабыт сваіх грамадзян і суайчыннікаў па ўсім свеце», чым РФ абгрунтоўвала ўварванне ва Украіну.

«Калі казаць аб міжнародным аспекце, то павінна быць спынена дыскрымінацыя рускага насельніцтва ў цэлым шэрагу краін, і вядома, у Прыбалтыцы і Малдавіі», — дадаў гэтым краінам трывогі Патрушаў. 

Ён абвінаваціў гэтыя краіны ў русафобіі. «Не выключаю, што агрэсіўная антырасейская палітыка Кішынёва прывядзе да таго, што Малдавія альбо ўвойдзе ў склад іншай дзяржавы, альбо ўвогуле спыніць сваё існаванне. У дадзенай сітуацыі можна паглядзець на прыклад Украіны, дзе неанацызм і русафобія прывялі краіну да краху, прычым яшчэ задоўга да спецыяльнай ваеннай аперацыі», — піша памочнік Пуціна. 

Каментары28

  • Alex
    15.01.2025
    Откуда этот динозавр вылез? Видимо из того же бункера, в котором живет чемоданный какун)
  • Железный Дровосек
    15.01.2025
    Да-да,эта высохшая мумия трясет своими кулачонками,по-старчески забыв,что совок хоронил Запад,а до этого достоевская россия хоронила Европу —ну мечта такая осклизлая у недоразвитых. И золотая орда развалилась,и паршивая ымперия,и поганый совок,казалось бы—надо сделать выводы,но нет,не таков руссскай человек,в своем бараньем идиотизме остановиться он не в состоянии. Изумительная безмерная жадность—хапать чужое под видом «восстановления истерических русских земель»,опять же забыв ,что жадность фраера сгубила—можно потерять и то,что есть. Недоразвитые же,говорю.
    Забегая вперед—и Украина,и Молдова,и Беларусь останутся,как бы недоразвитым с их осклизлыми мечтами их не хотелось присобачить или уничтожить.
    А вот насчет существования орды есть вопросы.
  • Texas whiskey
    15.01.2025
    10 сеансов аквадискотеки ему прописать

Цяпер чытаюць

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА25

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Усе навіны →
Усе навіны

П'яны васьмікласнік у Гомелі ў гандлёвым цэнтры біў нагамі супрацоўнікаў міліцыі11

Аўтамабіль пад Мінскам сутыкнуўся адразу з трыма ласямі1

Ад заўтра зноў пачне халадаць2

Каля Сбер банка ў Мінску адкрываюць помнік качцы

На канферэнцыі Reshape 2025 абурыліся «тысячамі канферэнцый», абвінавацілі Ціханоўскую ў дыктатуры і ацанілі вынікі 5 гадоў у эміграцыі28

«Тое, што Ізраіль зрабіў з Іранам, — гэта тое, што Расія хацела зрабіць з Украінай»18

Жанчына злавіла на Прыпяці гіганцкага таўсталобіка. Яго вага — каля 60 кг2

Дзяўчынцы з Польшчы, ахвяраваць грошы якой заклікаў беларус, сабралі патрэбную суму1

Пяць фактаў пра новага прэс-сакратара МЗС, які хамаватасцю косіць пад Марыю Захараву10

больш чытаных навін
больш лайканых навін

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА25

Ізраільскі авіяўдар перарваў эфір дзяржтэлерадыё Ірана. Штаб-кватэра ТБ знішчаная ВІДЭА

Галоўнае
Усе навіны →

Заўвага:

 

 

 

 

Закрыць Паведаміць