Ursuła fon der Lajen admianiła ŭsiu pracu na bližejšyja dva tydni, u tym liku pajezdku ŭ Polšču.
Staršynia Jeŭrapiejskaj kamisii Ursuła fon der Lajen nie pryjedzie ŭ Hdańsk na vyjaznoje pasiadžeńnie Jeŭrakamisii praź ciažkaje zapaleńnie lohkich.
Pra heta paviedamiŭ pres-sakratar Kamisii Stefan de Kiersmakier. Pasiadžeńnie adbudziecca ŭ inšym terminie, piša PAP.
«Staršynia fon der Lajen admianiła svaje (…) abaviazacielstvy ŭ pieršyja dva tydni studzienia», — paviedamiŭ de Kiersmakier.
Kiraŭnica Jeŭrakamisii miełasia ŭznačalić vyjaznoje pasiadžeńnie Kamisii ŭ Polščy, zapłanavanaje na 9 i 10 studzienia. Takija pajezdki ŭsiaho składu kamisaraŭ zvyčajna arhanizujucca ŭ suviazi sa staršynstvam krain-členaŭ u Radzie ES. U ich udzielničajuć taksama ŭłady krainy, jakaja staršynstvuje.
U miežach polskaha staršynstva, jakoje pačałosia 1 studzienia, urad zapłanavaŭ takoje pasiadžeńnie ŭ Jeŭrapiejskim centry salidarnaści ŭ Hdańsku.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž26
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»44
Kamientary