Asiracieli miratvorčyja siły kazackaj hvardyi Biełarusi — pamior psieŭdahienierał Siarhiej Novikaŭ
«Našaj Nivie» stała viadoma, što niadaŭna pamior Siarhiej Novikaŭ — adna z samych karykaturnych fihur hetak zvanaha biełaruskaha «kazactva». Uradženiec Stolinskaha rajona abviaściŭ siabie hienierał-lejtenantam. A potym pačaŭ prapanoŭvać «vyrašeńnie spravaŭ» i źviazaŭsia z narkotykami. Składajem partret adnaho z top-kazakaŭ Biełarusi.
Naradziŭsia Siarhiej Novikaŭ u 1966 hodzie. Bijahrafija za savieckim časam ćmianaja i niedakładnaja. U časy niezaležnaści papracavaŭ u śfiery charčavańnia, u 2002 hodzie prysvoiŭ sabie hienieralskaje zvańnie, abviesiŭ hrudzi miedalami kałčakaŭskich frantoŭ i zasnavaŭ arhanizacyju «Miratvorčyja siły kazackaj hvardyi».
Metaj miratvorčych siłaŭ stała «abjadnańnie lepšych pradstaŭnikoŭ kazactva, lepšaj častki spadčynnych kazakaŭ, a taksama, u paradku vyklučeńnia, inšych asobaŭ, jakija vałodajuć vysokaj maralnaściu i vysakarodstvam».
Pa źviestkach «Biełpoła», u 2014 i 2015 hodzie suprać jaho pravodzilisia pravierki pa fakcie niezakonnaha abarotu narkotykaŭ. Jany ničym nie skončylisia, što dla Biełarusi biezumoŭnaja redkaść.
U 2016 z Novikava źniali zabaronu na vyjezd ź Biełarusi. Jon vyjechaŭ i pahareŭ u Maskvie, dzie rasijskija kamiersanty zdali jaho ŭ FSB.
Novikaŭ prapanoŭvaŭ za ścipły 1 miljon jeŭra dapamahčy «Tekonu» ŭ badańni ź italjanskim kontrahientam u Stakholmskim arbitražy. Maŭlaŭ, tam moj ziamlak u sudździach, jon dapamoža. Miljon jeŭra Novikavu zapłacili, tolki falšyvych, a feesbešniki adrazu ž zaščoŭknuli kajdanki.
Kolki «hienierał-lejtenant» pravioŭ u rasijskich zaścienkach, nieviadoma. Ale ŭ 2020 u jaho znoŭ uźnikli nieparazumieńni z narkotykami ŭ Biełarusi — jaho znoŭ, treci raz, praviarali na datyčnaść da raspaŭsiudu. Ale znoŭ pryjšła admova.
Jak viadoma «Našaj Nivie», zaŭčasnaja śmierć Novikava źviazanaja z chvarobaj.
Razam ź jaho śmierciu, vierahodna, pierastaje isnavać i arhanizacyja «Miratvorčych siłaŭ kazackaj hvardyi».
Takim čynam raźvivać fietyš-subkulturu kazactva ŭ krainie zastajucca «Biełaruskaje kazactva», «Usiebiełaruskaje abjadnanaje kazactva» i «Kazačy spas».
Čytajcie taksama: «Biełaruskija kazaki»: niebiaśpiečnyja hulni
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Maskoŭski AHIENT , jak i ŭsie rpcešniki , ci našy rasieizatary