Aburanamu kiroŭcu, čyj aŭtobus dzieci zahadzili paśla ekskursii, daviałosia vydalić videa — kab nie nahniatać
Praciah historyi.
Niadaŭna ŭ tyktoku raźlaciełasia videa aburanaha kiroŭcy, jaki prybiraŭ aŭtobus paśla školnikaŭ. Tyja paśla ekskursii pakinuli ŭ sałonie kuču śmiećcia: abhotki, skurku ad banana, kroški, navat krasovak. Rolik sabraŭ miljon prahladaŭ.
Vyśvietliłasia, što heta była adna z pajezdak treciakłaśnikaŭ na ekskursiju «Minsk Navahodni», piša ahienctva «Minsk-Naviny». Akramia śmiećcia, byli i mokryja siadzieńni.
U toj dzień pieravozkaj navučencaŭ zajmałasia transpartnaja kampanija «Biełaŭtaplus». Namieśnik dyrektara Mikałaj Kamisaranka adznačyŭ, što da himnazii №61 pretenzij niama, a padobnyja situacyi ŭźnikajuć niaredka. Kamientujučy videa, jon rastłumačyŭ, što kiroŭca piać dzion zapar prybiraŭ aŭtobus paśla padobnych ekskursij, tamu ŭ jaho paprostu «nakipieła».
Videa kiroŭcy ciapier vydalena — «kab źnizić hradus hramadskaha rezanansu i praduchilić jakija-niebudź niehatyŭnyja nastupstvy».
Dyrektarka himnazii № 61 Iryna Laŭkaviec adznačyła, što raniej nie atrymlivała skarhaŭ na pavodziny vučniaŭ u hramadskim transparcie. Taksama nastaŭniki pierad ekskursijami i inšymi vyjaznymi mierapryjemstvami instruktujuć dziaciej pa pytańniach techniki biaśpieki. U toj dzień supravadžajučyja praviarali miescy ŭ sałonie paśla pajezdki — vizualna jany byli čystymi.
U škole adznačyli, što paśla incydentu daručyli nastaŭnikam, jakija supravadžajuć dziaciej u ekskursii, praviarać aŭtobus i fatahrafavać jaho.
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud11
Kamientary