Teraryst u Mahdeburhu — biežaniec z Saudaŭskaj Aravii, ale zaciaty vorah isłama i prychilnik «Alternatyvy dla Hiermanii»
50-hadovy Taleb al-Abdułmachsien aryštavany pa spravie ab napadzie na kaladny kirmaš u Mahdeburhu. Heta jon byŭ za rulom aŭtamabila, jaki prataraniŭ ludziej. Čatyry čałavieki zahinuli, jak minimum 200 paciarpieli.
U internecie adrazu zahučali hałasy nakont isłamskaj pahrozy ŭ Jeŭropie i zakliki departavać z Hiermanii biežancaŭ ź Blizkaha Uschodu. Adnak u hetym kankretnym vypadku akazałasia, što historyja šmatsłojnaja, razabracca ŭ joj nie tak prosta, jak na pieršy pohlad.
Taleb al-Abdułmachsien nasamreč pryjechaŭ u Hiermaniju z Saudaŭskaj Aravii, jašče ŭ 2006 hodzie. Adnak jon jakraz zaciaty krytyk isłama — za što i atrymaŭ u 2016 hodzie status biežanca.
Taleb pracavaŭ psichaterapieŭtam i psichijatram u horadzie Biernburhu za 45 km ad Mahdeburha.
Jak vyśvietlili žurnalisty Der Spiegel, mužčyna adkryta simpatyzavaŭ ultrapravaj papulisckaj partyi «Alternatyva dla Hiermanii», jakaja niehatyŭna nastrojena da mihrantaŭ. Pry hetym jon vioŭ sajt, pryśviečany tamu, jak atrymać palityčny prytułak u Hiermanii, a taksama davaŭ žycharkam Saudaŭskaj Aravii parady, jak uciačy z krainy.
Aproč taho, prykładna za tydzień da napadu Taleb al-Abdułmachsien daŭ intervju amierykanskamu błohu, u jakim zajaviŭ, što ŭłady Hiermanii viaduć utojenuju «sakretnuju apieracyju» i palujuć pa ŭsim śviecie na ŭradžencaŭ Saudaŭskaj Aravii, jakija adyšli ad isłamu, kab «źniščyć ich žyćcio».
Z dopisaŭ mužčyny ŭ tvitary vynikaje, što jon chacieŭ pakarać Hiermaniju za talerantnaść da isłamistaŭ.
Pieršasnaja ekśpiertyza pakazała, što ŭ momantu napadu Taleb al-Abdułmachsien byŭ pad narkotykami.
-
Biełarusy ŭ Polščy atrymlivajuć dziŭnyja listy z patrabavańniem pakinuć krainu ciaham 10 dzion
-
Ź Izraila vysłali dvuch rasijan, jakija vydavali siabie za ŭkrainskich žurnalistaŭ. Jany sprabavali ŭziać intervju ŭ Andreja Makareviča
-
U Paryžy asudzili bandu «dziadoŭ-hrabiežnikaŭ», jakija abakrali Kim Kardašjan. Usie jany vyjšli na volu
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia28
Kamientary
Postojtie, tak eto čto połučajetsia, prizyvy Maska možno traktovať kak podstriekatielstvo k nienavisti i vmiešatielstvo v iźbiratielnyj prociess i vnutriennije dieła Hiermanii?