Тэрарыст у Магдэбургу — бежанец з Саудаўскай Аравіі, але зацяты вораг іслама і прыхільнік «Альтэрнатывы для Германіі»
50-гадовы Талеб аль-Абдулмахсен арыштаваны па справе аб нападзе на калядны кірмаш у Магдэбургу. Гэта ён быў за рулём аўтамабіля, які пратараніў людзей. Чатыры чалавекі загінулі, як мінімум 200 пацярпелі.
У інтэрнэце адразу загучалі галасы наконт ісламскай пагрозы ў Еўропе і заклікі дэпартаваць з Германіі бежанцаў з Блізкага Усходу. Аднак у гэтым канкрэтным выпадку аказалася, што гісторыя шматслойная, разабрацца ў ёй не так проста, як на першы погляд.
Талеб аль-Абдулмахсен насамрэч прыехаў у Германію з Саудаўскай Аравіі, яшчэ ў 2006 годзе. Аднак ён якраз зацяты крытык іслама — за што і атрымаў у 2016 годзе статус бежанца.
Талеб працаваў псіхатэрапеўтам і псіхіятрам у горадзе Бернбургу за 45 км ад Магдэбурга.
Як высветлілі журналісты Der Spiegel, мужчына адкрыта сімпатызаваў ультраправай папулісцкай партыі «Альтэрнатыва для Германіі», якая негатыўна настроена да мігрантаў. Пры гэтым ён вёў сайт, прысвечаны таму, як атрымаць палітычны прытулак у Германіі, а таксама даваў жыхаркам Саудаўскай Аравіі парады, як уцячы з краіны.
Апроч таго, прыкладна за тыдзень да нападу Талеб аль-Абдулмахсен даў інтэрв'ю амерыканскаму блогу, у якім заявіў, што ўлады Германіі вядуць утоеную «сакрэтную аперацыю» і палююць па ўсім свеце на ўраджэнцаў Саудаўскай Аравіі, якія адышлі ад ісламу, каб «знішчыць іх жыццё».
З допісаў мужчыны ў твітары вынікае, што ён хацеў пакараць Германію за талерантнасць да ісламістаў.
Першасная экспертыза паказала, што ў моманту нападу Талеб аль-Абдулмахсен быў пад наркотыкамі.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Постойте, так это что получается, призывы Маска можно трактовать как подстрекательство к ненависти и вмешательство в избирательный процесс и внутренние дела Германии?