Vyjšła na svabodu Antanina Kanavałava, davieranaja asoba Cichanoŭskaj u 2020 hodzie
Pra vyzvaleńnie Antaniny Kanavałavaj napisała ŭ fejsbuku jaje maci, Hanna Kanavałava. Žančyna była asudžanaja da 5 z pałovaj hadoŭ pazbaŭleńnia voli.
«Siońnia — samy ščaślivy dzień u našym žyćci. Maja dačuška narešcie vyjšła na volu!» — napisała Hanna Kanavałava.
«Dzieci tak mocna sumavali pa mamie. Kožnaje ich słova, kožnaja ślazinka ŭ vačach raźbivali serca, ale ja zaŭsiody vieryła, što hety dzień nadydzie», — dadała jana.
Antanina Kanavałava vyjšła na volu daterminova, pa pamiłavańni, ukaz ab jakim Łukašenka padpisaŭ 9 śniežnia.
Antanina Kanavałava na vybarach 2020 hoda była davieranaj asobaj Śviatłany Cichanoŭskaj. Jana była zatrymanaja 6 vieraśnia 2020 hoda i asudžanaja ŭ administracyjnym paradku na 40 bazavych vieličyń štrafa za ŭdzieł u niesankcyjanavym mierapryjemstvie. Adnak paśla sudu žančynu nie adpuścili, a pierazatrymali ŭ miežach kryminalnaj spravy, źviazanaj ź dziejnaściu telehram-kanała «Armija z narodam».
U pačatku kastryčnika 2020 hoda pa spravie ab udziele ŭ hrupavych dziejańniach, što hruba parušajuć hramadski paradak, byŭ zatrymany i muž Antaniny Siarhiej Jaraševič. Paśla muža i žonku sudzili razam.
7 maja 2021 hoda ŭ Minskim abłasnym sudzie byli vyniesienyja prysudy fihurantam spravy pa tielehram-kanale «Armija z narodam».
Antanina Kanavałava była pa joj asudžanaja da piaci z pałovaj hadoŭ pazbaŭleńnia voli ŭ kałonii ahulnaha režymu. Paśla jaje ŭklučyli ŭ śpisy asob, datyčnych da «ekstremisckaj» i «terarystyčnaj» dziejnaści.
U źniavoleńni Antanina atrymała invalidnaść 3-j hrupy pa zroku.
Jaje muž Siarhiej Jaraševič byŭ asudžany spačatku taksama da 5,5 hadoŭ źniavoleńnia, ale paśla jamu na novym sudzie dadali da hetaha terminu jašče 9 miesiacaŭ. Pakul jon zastajecca za kratami.
U Antaniny Kanavałavaj i Siarhieja Jaraševiča dvoje dziaciej: Naści ciapier vosiem hadoŭ, a Vaniu — dziesiać. Uvieś čas źniavoleńnia baćkoŭ dziećmi apiakujecca mama Antaniny Kanavałavaj Hanna, jana žyvie z unukami ŭ Polščy.
«Znaj, čto ty niepobiedim». Dzieci palitźniavolenaha Siarhieja Jaraševiča pavinšavali jaho z Dniom naradžeńnia
Biełaruska, dačka i ziać jakoj palitviaźni, zapuściła brend rečaŭ z kazinaha puchu Babula. Pahladzicie, jak stylova!
«Matulka, samaja lubaja, viarnisia, ja sumuju». Pahladzicie, jakija kranalnyja listy dzieci dasyłajuć palitźniavolenym maci (i naadvarot)
«Dla jaje vyprabavańnie nie turma, a razłuka ź dziećmi». Jak muž z žonkaj apynulisia na Vaładarcy
«Siadzim za toje, što raspluščyli vočy». Što viadoma pra fihurantaŭ spravy «Armija z narodam»
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma7
Kamientary
Rušym dalej!