Miarkujučy pa spadarožnikavych zdymkach, Rasija zvozić vajennuju techniku da avijabazy Chmiejmim, dzie jaje raźbirajuć na častki i źmiaščajuć u hruzavyja samaloty, piša Deutsche Welle.
Rasija na fonie padzieńnia režymu Bašara Asada ŭ Siryi, miarkujučy pa ŭsim, prystupiła da vyvadu svaich vojskaŭ z hetaj krainy. Adzin z rasijskich hruzavych samalotaŭ vylecieŭ z avijabazy Chmiejmim u Łatakii ŭ Liviju, paviedamiła ahienctva Reuters sa spasyłkaj na siryjskaha čynoŭnika sa śfiery biaśpieki. Pavodle jaho słoŭ, u najbližejšy čas avijabazu Chmiejmim pakinuć jašče niekalki rasijskich samalotaŭ.
Napiaredadni viečaram anłajn-vydańnie «Važnyja historyi», praanalizavaŭšy spadarožnikavyja fotazdymki rasijskich vajskovych baz ad Maxar Technologies i Planet Labs, vykłała anałahičnyja vysnovy. Miarkujučy pa adnym z hetych fota, na avijabazu Chmiejmim prybyli dva hruzavyja samaloty An-124, try transpartnyja samaloty Ił-76, a taksama hruzavyja samaloty bolš drobnych madelaŭ — try An-32 i adzin An-72. Na zdymkach taksama vidać, što rasijskija vajskoŭcy raźbirajuć na častki ŭdarny viertalot Ka-52 i, vierahodna, rychtujuć jaho da pahruzki.
Naziralniki apaznali na fatahrafii taksama častki zienitna-rakietnaha kompleksu S-400. Miž tym rasijski vajskovy błohier Kirył Fiodaraŭ vykłaŭ u Telegram videa, na jakim, jak śćviardžajecca, kałona vajskovaj techniki Rashvardyi na ŭźbiarežžy Łatakii. «Važnyja historyi» ŭdakładniajuć, što hetaja i inšyja vajennyja kałony ruchajucca ŭ napramku avijabazy Chmiejmim.
«Taksama Maxar Technologies apublikavali fatahrafii rasijskich karabloŭ, jakija płyvuć pa Mižziemnym mory ad bierahoŭ Siryi», — nahadvajuć žurnalisty.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary