Niamiecka-biełaruski azdaraŭlenčy centr «Nadzieja» ŭ Vilejskim rajonie pierajšoŭ pad kantrol dziaržavy
Va ŭłasnaść dziaržavy pierajšli doli niamieckaha i biełaruskaha ŭładalnikaŭ bujnoha dziciačaha reabilitacyjna-azdaraŭlenčaha centra «Nadzieja». Pra heta havorycca ŭ dakumiencie, jaki apublikavany na partale Pravo.by.
Heta adzin ź niamnohich dziciačych łahieraŭ, dzie sapraŭdy raźvityja miedycynskija pasłuhi: pa ŭmacavańni imunnaj sistemy, lačeńni bronchalohačnaj i sardečna-sasudzistaj patałohij.
Jon budavaŭsia pad reabilitacyju dziaciej, jakija paciarpieli ad nastupstvaŭ čarnobylskaj avaryi. Da niadaŭniaha času va ŭłasnaści dziaržavy była tolki častka hetaha abjekta. Jana znachodziłasia va ŭpraŭleńni MNS.
Bolš za 50% centra naležała niamieckamu hramadskamu abjadnańniu «Siabry dziciačaha centra «Nadzieja» ŭ Hiermanii». Jašče krychu bolš za 25% — biełaruskamu HA «Žyvoje partniorstva». Ciapier ich doli pieradadzienyja dziaržavie. Ahulny ich košt-zvyš 22 młn rubloŭ.
Centr raźmieščany ŭ Vilejskim rajonie Minskaj vobłaści ŭ 80 km ad Minska, u ekałahična čystym miescy — malaŭničym sasnovym bary. Tam try trochpaviarchovyja spalnyja karpusy, try dvuchpaviarchovyja haściavyja damy, škoła, kulturna-azdaraŭlenčy kompleks i inšaja infrastruktura.
Kamientary