U novym zachodnim błakbastary z zorkaj sieryjała «Chod karalevy» znajšłosia miesca Biełarusi
Apošnim časam zachodnija kinošniki rehularna zhadvajuć Biełaruś u svaich scenarach. Čarhovy taki vypadak — film «Ciaśnina» (The Gorge), jaki vychodzić u nastupnym hodzie.
«Ciaśnina» — historyja pra dvuch prafiesijnych snajpieraŭ, jakich adpraŭlajuć achoŭvać supraćlehłyja baki vielizarnaj ciaśniny. Niahledziačy na adlehłaść, pamiž imi ŭźnikajuć pačućci, ale hałoŭnaja prablema — dać rady złu, što znachodzicca ŭ ciaśninie pamiž imi.
Dniami vyjšaŭ trejler stužki, i, miarkujučy pa im, u hetaj historyi znajšłosia miesca Biełarusi. U pačatku trejlera niechta — vierahodna, hałoŭnaja hierainia — hladzić praz pryceł zbroi, na samalot ź biełaruskim dziaržaŭnym ściaham na korpusie. Z samalota vychodzić amal łysy mužčyna ŭ kaściumie razam z žančynaj u biełaj sukiency i na abcasach. Ich sustrakajuć achoŭniki i mašyny, da adnoj ź jakich prymacavanyja biełaruskija dziaržaŭnyja ściahi — vyhladaje, što heta sustreča važnaha hościa, mahčyma, niejkaha palityka, i adbyvajecca ŭsio na terytoryi našaj krainy.
Dalej u trejlery my bačym amierykanskuju vajskovuju bazu i ŭłasna ciaśninu, dzie adbyvajucca hałoŭnyja padziei. Padobna, što kadry ź Biełaruśsiu — epizod z žyćcia adnaho z hierojaŭ, što zdaryŭsia pierad tym, jak jany sustrelisia ŭ harach.
U «Ciaśniny» zajzdrosny akciorski skład. Hałoŭnuju hierainiu hraje Ania Tejłar-Džoj — zorka šachmatnaha sieryjała «Chod karalevy», jakaja paśpieła pakazać siabie i ŭ vialikim kino, a ŭ roli druhoha płanu źjavicca halivudskaja lehienda Sihurni Uivier. Premjera stužki zapłanavanaja na 14 lutaha 2025 hoda na Apple TV+.
«Naša Niva» — bastyjon biełaruščyny
PADTRYMAĆ
Kamientary