Viciebskaha doktara buduć sudzić za «reabilitacyju nacyzmu». Jaho strašna źbili pry zatrymańni
12 krasavika 2024 hoda ŭ sudach dvuch rajonaŭ Viciebska razhladalisia spravy siabroŭ — Alaksandra Randarenki i Dzianisa Saŭčanki. Pryjacielam staviłasia «prapahanda nacyzmu» (č. 1 art. 19.10 KaAP). I kali dla Saŭčanki hetym administracyjnym sudom usio i skončyłasia, to dla Randarenki — tolki pačynałasia, piša telehram-kanał «Vitiebsk, ja hulaju!».
Mužčyny trapili ŭ sud paśla ŭdziełu ŭ čat-ruletcy. Jany stali surazmoŭcami pravakatara «Razhovory s Pałyčiem» i padčas hutarki, budučy napadpitku, vykazalisia pra padziei ŭ maskoŭskim «Krokus Sici Chole», vykazali padtrymku Ukrainie i dapuścili zihavańnie.
Alaksandra Randarenku, jaki pracuje doktaram, siłaviki paśla zatrymańnia žorstka źbivali. A potym dla jaho pačałasia aryštnaja karusiel: paśla 12 krasavika jaho sudzili jašče 15 krasavika (pa č. 1 art. 24.23 KaAP), 25 krasavika (pa č. 1 art. 19.10 i art. 24.3 KaAP), 22 traŭnia (pa č. 1 art. 24.23 KaAP), 13 červienia (pa č. 1 art. 24.23 KaAP).
Takim čynam, mužčynu pa administracyjnych artykułach dali, vierahodna, jak minimum 75 sutak aryštu. Pry hetym niekatoryja sutki jamu dali prosta za najaŭnaść ukrainskaha vympieła na stale i vykryk «Słava Ukrainie» padčas tranślacyi ŭ čat-ruletcy.
Ale i paśla adbyćcia hetych sutak Alaksandr Randarenka, jak vyhladaje, nie vyzvaliŭsia. U dačynieńni da jaho raspačali kryminalnuju spravu za «reabilitacyju nacyzmu» (zaŭv. 1 č. 1 art. 130 KK RB) i «raspalvańnie rasavaj, nacyjanalnaj, relihijnaj albo inšaj sacyjalnaj varožaści abo varažniečy» (č. 1 art. 130 KK RB).
Sudzić chłopca pačnuć 17 śniežnia ŭ abłasnym sudzie ŭ zakrytym režymie, sudździa — Jaŭhien Burunoŭ.
Alaksandr Randarenka, imavierna, syn byłoha hałoŭnaha akušera Viciebska Ihara Randarenki, pamierłaha ŭ 2018 hodzie.
Za danaty pačynajuć sudzić IT-śpiecyjalista, jakoha zatrymali pa viartańni ź Litvy
U Haradku za ekstremizm asudzili muzyku, jakoha nie adnojčy pryznavali najlepšym rabotnikam kultury Prydźvińnia
Žycharu Navapołacka vystavili abvinavačvańnie ŭ teraktach na BAMie
Dvaich žycharoŭ Mahilova zatrymali nibyta za finansavańnie USU
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju15
Kamientary