Adzin sa sparynh-partnioraŭ Łukašenki pazabaŭlaŭsia, daŭšy intervju niejrasietcy
Kab choć niejak ažyvić samuju niecikavuju prezidenckuju vybarčuju kampaniju ŭ historyi niezaležnaj Biełarusi, sparynh-partniory Łukašenki iduć na zusim ekzatyčnyja kroki. Adzin ź ich, kiraŭnik praŭładnaj Respublikanskaj partyi pracy i spraviadlivaści Alaksandr Chižniak, navat piać chvilin parazmaŭlaŭ z ruskamoŭnym hałasavym pamočnikam «Alisa», ubudavanym u «Jandeks.Stancyju».
Rolik z zapisam «intervju» Chižniaka vykłali ŭ partyjnych kanałach RPTS u jutubie i telehramie.
Chižniak padzialiŭsia sa štučnym intelektam, što ŭ jahonaj siamji žyvuć dźvie brytanskija koški, a sam jon amatar hreka-rymskaj baraćby i łoŭli ščupaka na śpininh.
Što da adkazaŭ na palityčnyja i kalapalityčnyja pytańni, to jany aryhinalnaściu nie adroźnivalisia i vyhladali jak taksama zhienieravanyja niejrasietkaj, tym bolš što i ahučvalisia štučna-miechaničnym hołasam.
Tak, adnosna taho, što prymusiła Chižniaka ŭdzielničać u ciapierašniaj kampanii, jon adkazaŭ, što heta ŭsio z-za žadańnia «pradstavić hramadstvu prahramu i realizavać prapanovy na zakanadaŭčym uzroŭni». Być kiraŭnikom dla Chižniaka — heta «vieści ludziej za saboj i nieści adkaznaść za svaje rašeńni i rašeńni svajoj kamandy». Pryjści ŭ partyju jon vyrašyŭ tamu, kab «dapamahčy jaje refarmavać i raźvivać», a što da svajoj kamandy — to heta «kłasnaja kamanda asob, prafiesijanałaŭ, ludziej sa svajoj dumkaj».
Pretendent u prezidenty Alaksandr Chižniak raskazaŭ, što trapiŭ u 2020 hodzie ŭ «Čornuju knihu»
Kamunisty źbirajuć podpisy adrazu z dvuma biustami Lenina FOTAFAKT
Kanapackaja śćviardžaje, što jaje kamanda źbiraje ŭ dzień minimum pa čatyry tysiačy podpisaŭ
Na kampaniju Łukašenki ŭžo pieraličyli bolš za 400 tysiač rubloŭ. U spojleraŭ hrošaj niama
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary