Premjer-ministr Raman Hałoŭčanka ŭ efiry biełaruskaha telebačańnia supakoiŭ, što rost dalara — časovaja źjava i nie takaja važnaja. I abvinavaciŭ u roście dalara Trampa.
Premjer-ministr Biełarusi Raman Hałoŭčanka, u jakoha spytali, čamu dalar uparta raście, adkazaŭ, što nie bačyć nijakaj napružanaści ŭ hetym pytańni.
Ekanamičnaja palityka, jakaja pravodzicca ŭ Biełarusi, pavodle jaho słoŭ, usialiła ŭ ludziej upeŭnienaść u biełaruskim rubli.
«Čaho nie było vielmi doŭhi čas, — kaža premjer-ministr u efiry «Biełaruś 1». — Adnačasova skaračajucca depazity ŭ zamiežnaj valucie, to-bok ludzi pieravodziać depazity ŭ zamiežnaj valucie ŭ depazity ŭ našaj nacyjanalnaj valucie».
Taksama Raman Hałoŭčanka padkreśliŭ, što vielmi važnaja dynamika na rynku pakupki i prodažu valut — toje, što ŭ 2023-2024 hadach nasielnictva i biznes vystupajuć čystymi pradaŭcami valuty. Heta dapamahaje pavialičvać zołatavalutnyja reziervy dziaržavy, kaža jon.
Hałoŭčanka bačyć pryčynaj rostu dalara prychod Trampa.
«Toje, što zaraz adbyvajecca, heta časovaja źjava, jakaja źviazana z mnohimi ŭnutranymi i źniešnimi faktarami. Na fonie prychodu abo abjaŭleńnia vynikaŭ prezidenckich vybaraŭ u ZŠA, dzie abrany prezident pradekłaravaŭ łozunh u čarhovy raz zrabić Amieryku vialikaj. Takija pasyły, viadoma, uździejničajuć na mižnarodny finansavy rynak, usie čakajuć, što dalar budzie macniejšym. Adpaviedna, fjučersy valutnyja ŭžo ŭličvajuć hetuju papraŭku. Jany całkam potym mohuć adyhrać nazad.
Hałoŭčanka zapeŭniŭ, što dalar dla biełaruskaj ekanomiki — nie taki važny.
«Z ulikam taho, što naš valutny kurs płavaje, u nas rynačnaje cenaŭtvareńnie, tamu, adpaviedna, biełaruski rubiel aŭtamatyčna devalvavaŭsia krychu da dalara ZŠA, — rastłumačyŭ premjer. — Ale ja padkreślu, što ŭvieś čas da hetaha biełaruski rubiel umacoŭvaŭsia da amierykanskaj valuty. A dla nas samaje hałoŭnaje zaraz — usio ž rasijski rubiel i kitajski juań. Heta valuty našych asnoŭnych handlovych partnioraŭ i tych družalubnych krain, jakija z nami raźličvajucca ŭ hetaj valucie».
U Minsku ludzi za try dni vystrojvajucca ŭ čarhu pa kvatery
«Jany ŭsie chočuć Saviecki Sajuz, ale pry hetym žyć jak siońnia». Siabar Łukašenki rezka raskrytykavaŭ savieckaje minułaje i jaho restaŭrataraŭ
Ministr ekanomiki Rasii abvinavaciŭ śpiekulantaŭ u krušeńni kursu rasijskaha rubla
«Kali nabyŭ $20 pa kursie 3,3 — i ciapier ty paśpiachovy inviestar»: jak biełarusy reahujuć na skački valut
«Dalaraŭ stolki, što choć piečku imi pali». Azaronak na kamieru spaliŭ kupiuru ŭ 1 dalar
Čamu dalar rezka padaražeŭ da 3,5 rubla i čaho čakać u bližejšaj budučyni? Spytali ŭ ekśpierta
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos25
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5353
Kamientary