Sud Śvietłahorskaha rajona vynies prysud pa spravie namieśnika načalnika cecha rehienieracyi AAT «Śvietłahorski celułozna-kardonny kambinat», jaki abvinavačvaŭsia ŭ parušeńni pravił achovy pracy, što paciahnuła pa nieaściarožnaści śmierć troch čałaviek u červieni 2023 hoda. Pra heta paviedamili ŭ Hienprakuratury Biełarusi.
«Ustanoŭlena, što abvinavačany 7 červienia 2023 hoda daručyŭ svaim padnačalenym pravieści chimičnaje pramyvańnie pierakisam vadarodu pasudziny, jaki pracuje pad vysokim ciskam. Jon dakładna viedaŭ, što ŭ techničnaj dakumientacyi vykarystańnie hetaha niebiaśpiečnaha reahienta nie było praduhledžana. Niahledziačy na heta, abvinavačany daručyŭ rabočym vykanać takuju praceduru», — adznačajecca ŭ paviedamleńni Hienprakuratury.
Z-za hetych dziejańniaŭ adbyłasia samaadvolnaja łancuhovaja ekzatermičnaja reakcyja, jakaja spravakavała vybuch mahutnaściu kala 680 kh u traciłavym ekvivalencie. Tady troje rabočych 24, 31 i 42 hadoŭ zahinuli na miescy.
U vyniku sud prysudziŭ fihuranta kryminalnaj spravy da piaci hadoŭ kałonii va ŭmovach pasialeńnia. Na praciahu takoha ž terminu jamu zabaroniena zajmać pasady, źviazanyja z vykanańniem arhanizacyjna-rasparadčych abaviazkaŭ. Svaju vinu na sudzie jon pryznaŭ častkova.
Akramia taho, było pryniata rašeńnie spahnać z abvinavačanaha pryčynienuju škodu ŭ pamiery 7 miljonaŭ rubloŭ u intaresach Śvietłahorskaha CKK, MNS i Śvietłahorskaj rajbalnicy, a taksama materyjalnuju kampiensacyju maralnaj škody na karyść paciarpiełych sa Śvietłahorskaha CKK u pamiery 560 tysiač rubloŭ.
Vystavili abvinavačvańnie namieśniku načalnika cecha Śvietłahorskaha CKK za minułahodniuju avaryju
«Z rajvykankamam u nas zaŭsiody byli kanstruktyŭnyja adnosiny». Jak stać «ekstremisckim farmavańniem», nie pišučy pra palityku
Śvietłahorski CKK adnaviŭ paśla vybuchu vytvorčaść bielenaj celułozy
SK praviaraje dźvie viersii vybuchu na zavodzie ŭ Śvietłahorsku
SK zajaviŭ, što havaryć pra dakładnuju kolkaść zahinułych i paciarpiełych na Śvietłahorskim CKK rana
Śvietłahorski CKK nazvaŭ imiony zahinułych padčas vybuchu na zavodzie bielenaj celułozy
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary