Śviet1313

Zialenski pazbaviŭ zvańnia zasłužanaj artystki śpiavačku, ź jakoj śpiavaŭ Łukašenka

Prezident Ukrainy padpisaŭ ukaz ab pazbaŭleńni ŭznaharod i zvańniaŭ 34 čałaviek, jakich abvinavačvajuć u zdradzie abo apraŭdańni rasiejskaj ahresii.

Taisija Pavalij. Fota: Wikimedia Commons

U pieršy śpis trapili byłyja čynoŭniki, narodnyja deputaty, kiraŭniki SBU i Hienprakuratury, prakurory, artysty, a taksama rasijskija palityčnyja, relihijnyja i kulturnyja dziejačy. Usie jany pazbaŭleny dziaržaŭnych uznaharod Ukrainy na biesterminovy čas.

Dziesiaci ź ich prymianili maksimalny nabor sankcyj — 21 vid. Heta nie tolki pazbaŭleńnie dziaržaŭnych uznaharod Ukrainy, ale i błakavańnie aktyvaŭ, anulavańnie licenzij i dazvołaŭ, poŭnaje spynieńnie handlovych apieracyj, paviedamlaje pres-słužba Zialenskaha.

Zvańnie «Narodny artyst Ukrainy» pazbavili Filipa Kirkorova, Mikałaja Baskava, Alaksandra Malinina i Ihara Krutoha. Zabrali zvańnie «Zasłužanaja artystka Ukrainy» ŭ Taisii Pavalij — adnoj ź lubimych śpiavačak Łukašenki. Jon śpiavaŭ razam ź joj na Kupalle ŭ 2018 hodzie, a taksama byŭ zaŭvažany ŭ tancach pad jaje kampazicyi. U Ukrainie Pavalij, jakaja časta naviedvaje Biełaruś, abvinavačvajuć u apraŭdańni rasijskaj ahresii i kałabaranctvie.

Taksama pazbavili zvańnia «Zasłužanaja artystka Ukrainy» papularnuju śpiavačku Ani Łorak.

Dziaržaŭnyja ŭznaharody zabrali ŭ eks-premjera Mikałaja Azarava, byłoha deputata Viktara Miedviedčuka, byłoha hienprakurora Viktara Pšonki i inšych eks-dziaržsłužačych i palitykaŭ. Pazbavili ordena Jarasłava Mudraha i patryjarcha Kiryła.

Napiaredadni Viarchoŭnaja Rada Ukrainy padtrymała zakonaprajekt, jaki praduhledžvaje pazbaŭleńnie dziaržaŭnych uznaharod Ukrainy asob, asudžanych za ciažkija abo asabliva ciažkija złačynstvy, kryminalnyja praviny suprać asnoŭ nacyjanalnaj biaśpieki Ukrainy, suprać miru, biaśpieki čałaviectva i mižnarodnaha pravaparadku, a taksama za asobnyja złačynstvy suprać hramadskaj biaśpieki; asob, jakija prapahandujuć dziaržavu-ahresara abo apraŭdvajuć akupacyju Ukrainy.

Kamientary13

  • Andruś
    22.11.2024
    Samaje dziŭnaje što ich pazbavili hetych uznaharod praz bolej čym 2,5 hady kali treba było heta zrabić
  • mimokrokodił
    22.11.2024
    [Red. vydalena]
  • Potužno
    22.11.2024
    mimokrokodił, et vy jeŝie zabyli, kto iz inostrannych priezidientov był samyj popularnyj sriedi ukrainciev. Dažie pośle 2020-ho

Ciapier čytajuć

Minski haradski sud nie vytrymlivaje nahruzki — nie paśpiavajuć sudzić palitviaźniaŭ3

Minski haradski sud nie vytrymlivaje nahruzki — nie paśpiavajuć sudzić palitviaźniaŭ

Usie naviny →
Usie naviny

Jak adkryvałasia miaža z Polščaj. Repartaž z Bresta

«Vialikaje supraćstajańnie pamiž Rasijaj i Jeŭropaj». Što adbyvajecca ŭ Małdovie napiaredadni vybaraŭ3

Kitajski aŭtapram imkliva zavajoŭvaje Jeŭropu. Zamiest svaich lehiend jeŭrapiejskija zavody vypuskajuć aŭto z Padniabiesnaj12

USU zajavili pra źbićcio rasijskaha Su-34 pad Zaparožžam3

Na tolki što adkrytaj polskaj miažy ŭžo ŭtvaryłasia čarha z troch tysiač aŭtamabilaŭ3

Hłabalny zruch u katalictvie: u Indyi bolš sieminaryj, čym u Italii, a ksiandzy na padmienu pryjazdžajuć u Jeŭropu z Afryki9

Ukrainski marski bieśpiłotnik pad urahannym ahniom dapłyŭ da naftanaliŭnoha terminała Tuapse i ŭzarvaŭ jaho VIDEA5

Załužny: Ukrainu ŭratuje stvareńnie kibierfizičnaj sistemy abarony, z aporaj na robataŭ3

«Byŭ stračany momant ź Biełaruśsiu». Zialenski padčas vystupleńnia ŭ AAN zhadaŭ našu krainu10

bolš čytanych navin
bolš łajkanych navin

Minski haradski sud nie vytrymlivaje nahruzki — nie paśpiavajuć sudzić palitviaźniaŭ3

Minski haradski sud nie vytrymlivaje nahruzki — nie paśpiavajuć sudzić palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić