Pačaŭsia sud nad kiraŭnikom likvidavanaj partyi «Zialonyja» Dźmitryjem Kučukom
Jaho zatrymali, kali jon pryjšoŭ da rasijskaj ambasady ŭskłaści kvietki ŭ pamiać pra pamierłaha palityka Alaksieja Navalnaha
50-hadovy Dźmitryj Kučuk — były staršynia partyi «Zialonyja» (partyju likvidavali ŭ lipieni 2023 hoda). Jon uznačalvaŭ adkrytaje akcyjaniernaje tavarystva «MS Zachodniaja» — heta pradpryjemstva, jakoje źbiraje i pierapracoŭvaje adkidy. Maje darosłuju dačku.
Dźmitryja zatrymali 16 lutaha kala rasijskaj ambasady. Kučuk pryjšoŭ, kab uskłaści kvietki ŭ pamiać pra pamierłaha palityka Alaksieja Navalnaha. Praź miesiac stała viadoma, što suprać Dźmitryja zaviali kryminalnuju spravu.
Razhladać jaho spravu pačali 22 listapada ŭ Minskim haradskim sudzie. Jaho abvinavačvajuć pa dvuch artykułach — «zakliki da sankcyj» (č. 3 art. 361 KK) i «ŭdzieł u dziejańniach, jakija hruba parušajuć hramadski paradak» (č. 1 art. 342 KK). Jamu moža pahražać da 12 hadoŭ pazbaŭleńnia voli.
Sudzić jaho Alena Šylko. Šylko 51 hod, na pasadzie sudździ jana nie mienš za 17 hadoŭ. Palityčnyja spravy jana viadzie jak minimum z 2006-ha. Šylko asudziła dziasiatki biełarusaŭ pa palityčna matyvavanych kryminalnych spravach, siarod jakich — Aleś Puškin, jaki pamior za kratami.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj4
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary