Jak biełarusy chočuć pakarać tych, chto čynić represii? Voś što pakazała apytańnie paciarpiełych
Nie ŭsie nastojvajuć na strohim pakarańni.
Pravaabarončy centr «Viasna» i Mižnarodny kamitet pa rasśledavańni katavańniaŭ u Biełarusi vypuścili daśledavańnie «Jak usprymajuć spraviadlivaść ludzi, što pieražyli katavańni i žorstkaje abychodžańnie».
Pravaabaroncy apytali 580 čałaviek, paciarpiełych ad represij. Siarod pytańniaŭ było i toje, jak ludzi bačać spraviadlivaść.
Bolšaść respandentaŭ (84%) ličyć, što stupień vinavataści i pakarańnie dla tych, chto ŭčyniŭ złačynstvy, pavinien vyznačać sud u indyvidualnym paradku.
56% ličać, što vinavatych treba pazbavić prava zajmać peŭnyja pasady ci zajmacca peŭnaj dziejnaściu.
Za turemnaje pakarańnie (u tym liku pažyćciovaje) vykazałasia 47%.
Cikava, što 16% adkazała, što nie nastojvała b na strohim pakarańni — važna tolki, kab złačyncaŭ pryznali vinavatymi.
Za fizičnaje pakarańnie (až da śmiarotnaha pakarańnia) tych, chto čyniŭ represii, vykazałasia 9%.
Apytańnie pakazała, što 87% respandentaŭ chočuć kampiensacyi za materyjalnuju škodu, u tym liku vydatki na lačeńnie i kanfiskavanuju majomaść, 82% ličać pryjarytetam miedycynskuju i psichałahičnuju reabilitacyju, a 80% chočuć adnavić svaju hramadskuju reputacyju.
Ale bolšaść (84%) nie vieryć, što pravasudździe moža adbycca bližejšym časam. A 64% paciarpiełych sumniavajucca, što mižnarodnyja arhanizacyi abo inšyja krainy dapamohuć im dabicca spraviadlivaści.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary