«Miesca biełarusaŭ, jakija pracujuć u taksi nielehalna, zaniali zamiežniki. Pasažyry skardziacca»
Paśla ŭviadzieńnia z 1 listapada rejestru pieravozčykaŭ u taksi nie tolki vyraśli ceny, ale zaŭvažny i inšyja źmieny.
Pra toje, što siarod taksistaŭ stała bolš zamiežnikaŭ, kažuć i pasažyry, i kiroŭcy, piša av.by.
— Miesca biełarusaŭ, jakija pracujuć u taksi nielehalna, zaniali zamiežniki. «Jandeks» časta addaje im zakazy. Pasažyry skardziacca ŭžo nie na ceny, plus tyja pacichu pačynajuć padać, a mienavita na ciemnaskurych za rulom. I tamu jość abjektyŭnyja pryčyny: takija šafiory rezka vodziać, nie viedajuć horad, parušajuć praviły darožnaha ruchu.
Usio čaściej ad ludziej ja čuju pytańnie: «Što ŭ vas tam u «Jandeksie» adbyłosia?» I nie viedaješ, što im adkazvać… — padzialiŭsia adzin z kiroŭcaŭ «Jandeksa».
Na taksistaŭ-mihrantaŭ uvahu rašyli źviarnuć i ŭ DAI. Minskija daišniki paviedamili, što pravodziać rejdy pa vyjaŭleńni parušeńniaŭ PDR, u tym liku i zamiežnikami, jakija pracujuć kiroŭcami servisu «Jandeks Taksi».
A što z cenami paśla novych pravił dla taksi? U siarednim nazirajecca plus 20% da raniejšaj cany. Bolš za ŭsio padaraželi pajezdki na karotkija dystancyi.
Takimi ličbami manitorynhu dzielicca staršynia Asacyjacyi prafiesijnych pieravozčykaŭ Kaciaryna Stankievič.
— «Karotkaje plačo» pavialičyłasia ŭ canie na 40%. Pryviadu prykład. Kali raniej z Baraŭlanaŭ da «Ekspabieła» možna było dajechać za 7-8 rubloŭ, to ciapier suma vyrasła amal udvaja. Maršrut zvyš 7-8 kiłamietraŭ budzie tańniejšym. Z tych ža Baraŭlanaŭ da Sierabranki ja da 1 listapada dajazdžała za 34 rubli, ciapier — za 36. Nievialikaja roźnica, — kaža Stankievič.
Taksisty ŭ svaju čarhu radujucca, što źnikli zakazy «ad kramy da doma». Ciapier jany stali ŭ razy daražejšyja, i ludzi addajuć pieravahu prajścisia pieššu.
Dyrektar «Taksi 135 Stalica» Aleh Radkievič kaža, što z 1 listapada kolkaść supracoŭnikaŭ, jakija štodnia vychodziać na liniju, źmienšyłasia ŭ dva razy. A siaredni ček za pajezdku ŭ ich vyras na 25-30%
Ale miarkujecca, što ceny paśla supakojacca. Kaciaryna Stankievič ličyć, što chutka vyzvalenuju nišu zojmuć novyja hulcy abo bujnyja pieravozčyki pašyrać svoj aŭtapark. I da studzienia ŭbačym, što ceny vyšejšyja za letnija tolki na 5-7%, a ŭ nastupnym hodzie jany mohuć upaści.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary
Manapolii transnacyanalnyja karparacyi paŭsiul spačatku dempinhujut vycisnut miascovych zaviezut " kitajcieŭ 100 zamiest 140 biełarusaŭ" i ala ulu
Čynoŭniki ułady ..." łabirujut" ni uśviedamlajut praź niejki čas ich taksama źmieniat Karajevy end papadupałos .Jak u fubole ))
Pamiataju u zbornaj Francyi 30 40 hod tamu tolki Tihana byŭ pobač z Płatini end k.))))