Centralnaja vybarčaja kamisija Hruzii zaćvierdziła vyniki parłamienckich vybaraŭ. Zhodna z kančatkovym pratakołam, uładnaja partyja «Hruzinskaja mara» atrymała pieramohu, nabraŭšy amal 54% hałasoŭ i zabiaśpiečyŭšy sabie 89 miescaŭ z 150 u parłamientie, paviedamlaje Rasijskaja słužba Radyjo Svaboda.
«Kaalicyja za źmieny» atrymlivaje 19 mandataŭ, «Adziny nacyjanalny ruch» — 16, «Mocnaja Hruzija» — 14, «Za Hruziju» — 12 deputackich mandataŭ.
Na zaklučnym pasiadžeńni kamisii adbyłasia svarka pamiž staršynioj CVK Hieorhijem Kałandaryšvili i pradstaŭnikom apazicyjnaj partyi «Adzinstva — Nacyjanalny ruch» Davidam Kirtadze.
Kirtadze zapytaŭ mahčymaść vystupić, ale paśla zakančeńnia rehłamientavanaha času dla vystupleńnia Kałandaryšvili adklučyŭ mikrafon. U razhar kanfliktu Kirtadze vyliŭ na Kałandaryšvili čornuju vadkaść, vierahodna, farbu. Pasiadžeńnie kamisii było prypyniena.
Praź niekatory čas staršynia CVK praciahnuŭ pasiadžeńnie z paviazkaj na voku.
Pa infarmacyi apazicyi i niaŭradavych arhanizacyj, na vybarach 26 kastryčnika nie była zabiaśpiečana tajamnica hałasavańnia — biuleteni praśviečvalisia, i z advarotnaha boku byli bačny paznaki markieraŭ.
Adnačasova z pasiadžeńniem kala ścien budynka CVK prachodziła akcyja pratestu. Ab praviadzieńni akcyi pratestu raniej abviaścili častka apazicyi, hramadzianskija arhanizacyi i studenty. Pratestoŭcy patrabujuć pravieści paŭtornyja vybary.
Mižnarodnaja supolnaść zaklikaje Tbilisi da abjektyŭnaha rasśledavańnia sprečnych vynikaŭ vybaraŭ dla pravierki padazreńniaŭ u falsifikacyjach.
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj3
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary