Navalnaja: Ja nie žadaju parazy svajoj krainie — žadaju parazy Pucinu
Julija Navalnaja dała intervju viadoŭcam telekanała «Dožd́». Heta jaje pieršaja vialikaja razmova z rasijskimi žurnalistami paśla hibieli Alaksieja Navalnaha ŭ kałonii 16 lutaha 2024 hoda. U pryvatnaści, jana vykazałasia nakont vajny Rasii suprać Ukrainy.
«Spraviadliva było b, kab hetaja vajna, pa-pieršaje, nikoli nie pačynałasia. Kali jana pačałasia… kab Uładzimir Pucin siońnia ž spyniŭ stralać pa mirnych ukrainskich haradach i vyvieŭ usie vojski z terytoryi Ukrainy. Heta było b spraviadliva, heta pavinna zdarycca nieadkładna. Heta i pavinien być vynik vajny. Viadoma, na žal, vidavočna, što ciapier heta nie zdarycca, ale kali vy mianie pytajeciesia, jaki pavinien być zychod vajny — voś takim jon i pavinien być: kab Uładzimir Pucin zabraŭ svaje vojski i vyvieŭ z terytoryi Ukrainy. Prajhraŭ by hetuju vajnu», — pryvodzić jaje słovy «Mieduza».
Razam z tym, jana nie žadaje parazy Rasii, a žadaje parazy Pucinu.
«Viadoma, nie [nie žadaju parazy svajoj krainie]. Tvajo pytańnie hučyć tak, jak byccam Uładzimir Pucin — maja kraina. Ale Uładzimir Pucin — nie maja kraina. Uładzimir Pucin — heta čałaviek, jaki zachapiŭ maju krainu. Jaki trymajecca amal 25 hadoŭ za ŭładu, jon trymajecca lubymi sposabami. Heta nie značyć, što ja žadaju parazy svajoj krainie, heta značyć, što ja žadaju parazy Uładzimiru Pucinu jak maha chutčej, nieadkładna. I ŭnutry krainy, i tym bolš paśla taho, jak jon uvarvaŭsia na terytoryju susiedniaj dziaržavy», — dadała Julija Navalnaja.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary