Kołasaŭ niakiepska pravioŭ svoj druhi matč u NCHŁ, ale «Fiładelfija» usio adno prajhrała
Biełarus vyjšaŭ na placoŭku ŭ pieršym pieryjadzie paśla traŭmy asnoŭnaha bramnika «Fłajerz».
Biełaruski bramnik «Fiładelfii» Alaksiej Kołasaŭ pravioŭ svoj druhi matč u Nacyjanalnaj chakiejnaj lizie. Chatniuju hulniu z «Bostanam» jon pačynaŭ u zapasie, adnak užo na 8-j chvilinie pieršaha pieryjadu biełarusu daviałosia vyjści na lod.
Asnoŭny hałkipier «Fłajerz» Samuel Ersan, adbiŭšy vosiem z vaśmi kidkoŭ, atrymaŭ traŭmu i nie zmoh praciahnuć sustreču. U hulniu pry liku 0:0 uvajšoŭ Kołasaŭ.
Biełarus u vyniku pravioŭ na lodzie 51 chvilinu 25 siekundaŭ, prapuściŭ dźvie šajby, adbiŭšy 20 z 22 kidkoŭ, heta značyć niadrennyja 90,9%. Jašče adzin hoł «Fiładelfija» prapuściła ŭ pustyja varoty, kali trenier vyrašyŭ ryzyknuć u trecim pieryjadzie i zamianiŭ Kołasava na šostaha palavoha.
«Fłajerz» zakinuć «Bostanu» nie zmahli i prajhrali ź likam 0:3. «Fiładelfija» zajmaje apošniaje miesca jak u svaim dyvizijonie, tak i va Uschodniaj kanfierencyi z 9 ačkami ŭ 12 matčach. «Bostan» idzie na 12-m miescy na Uschodzie z 11 bałami.
Nahadajem, Kołasaŭ staŭ pieršym biełaruskim bramnikam u historyi NCHŁ.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary