U Minsku pačali sudzić biełarusa, jakoha zatrymali na miažy paśla viartańnia z Amieryki
Jaho vinavaciać pa čatyroch artykułach Kryminalnaha kodeksa.
U Minsku pačali sudzić Alaksandra Sudnikoviča, jakoha zatrymali na miažy paśla viartańnia z Amieryki, piša Viasna.
Naprykancy maja dziaržaŭnyja ŚMI paviedamili pra zatrymańnie dvuch biełarusaŭ na biełaruska-litoŭskaj miažy: adzin ź ich byŭ abvieščany ŭ mižnarodny vyšuk i sprabavaŭ nielehalna trapić u Litvu, kab paźbiehnuć kryminalnaj adkaznaści, a druhi byŭ kiroŭcam. Viadoma, što Alaksandr doŭhi čas žyŭ u ZŠA.
64-hadovy Alaksandr Sudnikovič na tak zvanym «pakajalnym videa» kazaŭ, što jon u 2021 hodzie pakidaŭ kamientary z uchvaleńniem dziejańniaŭ Andreja Zielcara, jaki zahinuŭ padčas pierastrełki supracoŭnikam KDB Dźmitryjem Fiedasiukom.
Alaksandra abvinavačvajuć pavodle art. 361-1 KK (udzieł u ekstremisckim farmavańni), č. 1 art. 130 KK (raspalvańnie inšaj sacyjalnaj varožaści ci varažniečy), č. 2 art. 368 KK (abraza Łukašenki), art. 369 KK (abraza pradstaŭnika ŭłady).
Sud nad im raspačaŭsia 1 listapada ŭ Minskim haradskim sudzie. Praces viadzie sudździa Jaŭhien Chatkievič.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary