Pa vynikach minułaha hoda VUP krainy vyras na 5%, što ŭ tym liku źviazvajuć sa skaračeńniem pracoŭnaha tydnia.
Isłandyja zaviaršyła pierachod na čatyrochdzionny pracoŭny tydzień bieź źmianšeńnia zarabotnaj płaty. Pra heta piša CNN.
Pa źviestkach vydańnia, piłotny prajekt, u ramkach jakoha z 2020 pa 2021 hod 51% žycharoŭ krainy skaracili pracoŭny tydzień da 35-36 hadzin, pakazaŭ stanoŭčyja vyniki. Tak, pradukcyjnaść pracy zachavałasia ci navat vyrasła, a biespracoŭje dasiahnuła minimalnych pakazčykaŭ siarod jeŭrapiejskich krain.
Śpiecyjalisty adznačajuć, što palepšyŭsia ahulny dabrabyt rabotnikaŭ — ad źnižeńnia ŭzroŭniu stresu i ryzyki vyharańnia da palapšeńnia zdaroŭja i harmonii pamiž pracaj i asabistym žyćciom.
Zhodna z novym daśledvańniem, pa vynikach 2023 hoda VUP Isłandyi vyras na 5%, što źjaŭlajecca vysokim pakazčykam dla raźvitaj ekanomiki. Dla paraŭnańnia, na praciahu 2006-2015 hadoŭ siarednija tempy rostu ekanomiki ŭ Isłandyi składali tolki kala 2 pracentaŭ u hod.
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia6
Kamientary